بكرتي تبرك للجمل وش اسوي ...؟
 

عندي يربع بكره اذا فكيتها من الشبك تروح للفحل اللي عندي جاري وتبرك عنده ومايرد الجمل الا الشبك ولا والله ليضربها وش اسوي ادور لي جمل ولا اصبر لانها اذا طلعت من الشبك على طول تروح يم الفحل تكفون وش اسوي وسنها حقه تقريبا 3 سنوات و7 شهور هل هي لقيه ولا لا

اذا كانت البكره ماهي بكره مزاين ظربها عادها ميسر
بعدين اذا البكره تقول ثلاث سنوات وسبع شهور فالبكره جذعه

اذا هي مزاين اصبر واذا لا ضربها فحل طيب

ياخوي بكرتك اذا على كلامك سنها3 7 شهور يعني جذعه
ضربها

اذا سنها مثل ماتقول دور بعير زين من لونها واضربها ترى اللقاح فرصه

الله لايهينكم جميع
لكن شفت اغلب الاراء وسئلت اهم الخبره وقالولي السنه الجايه ابرك لك

نورتم صفحتي يارائكم والله لايهينكم يالغالين

إن كان سنها مثل ماقلت فهي صيفيه ولقيه تنطح جذه في القيض
إن كان عمرها وافي أتكل على الله وأضربها قبل ما تنقطع أيسرتها

والله يوفق الجميع