هذي البويتات قلتها وحنا شادين ذا الزمان يوم اعجبني ممشا البل وشفت اكثرها يسبق الرحول من عجلها
((وناجي )) المذكور في اول بيت هو السوداني راعى البل

وسامحونا على القصور


يا ناجي انزل عن رحولك وهده= يمشي خلاف الذود يا هملالي
دون المعشا فرجة مجرهده= لكن عطايا الله خطاها طوالي
تقطع مسافة شدتين بشده=صفٍ تبارا ما وراها توالي
تسابق خزاما الفياض المجده=كنها تباشر بالحيا والمحالي
واللي يماريها وقف عند حده=من جور ممشاها يعاف الغوالي
سود البكار موالفات الموده=هي فايدة ربحي وهي راس مالي
منها نصيب اللي ورث فيد جده=ومنها شرايا مرخصين الريالي
نرهي عليها في وقوت وشده=ونرخص لها من حبها كل غالي
وان جا الربيع اللي هل البل تعده=وزانت لها بامر الكريم المفالي
ترعاه ما وصلوا هل الضين حده=علم صحيح ٍمن قديم وتالي
من يوم عاد الناس خوف وشده=قبل التجر تقني زيان الحلالي