ياقف لها راع الملايين ويطيح !!
 

[align=center]

هذه قصيدة للشاعر / راكان بن محمد بن بدن


أتمنى أن تنال اعجابكم :



[poet font="Simplified Arabic,5,black,normal,normal" bkcolor="transparent" bkimage="backgrounds/17.gif" border="outset,4,black" type=2 line=200% align=center use=ex length=0 char="" num="0,black" filter=""]
حل الربيـع وحان وقت المــراويح=والعشــب فالصمّـان مثل الـزوالي

ونبت الخــزامى والنفل خالطه شيح=بأمر الولي الله عظيـم الجــلالي

وغيث المزون المردفات المنـاضيح=يسقـي ديـارٍ ممحــلاتٍ خـــوالي

ياللي تـدوّر للسعـــاده مفـــاتيح=دنيـا التعــاسه للفنــا والزوالي

اركب علي اللي يبعـدنّ المشــاويح=مركب هل الوقفات واهل المعالي

وكالته ماهيب ( نيسـان ) و ( جميـح )=وكالته واسمه ( صعيب المنــالي )

وارد ( تيوتا ) مايبي زود توضيـح=مصنّـعٍ لجــل الدروب الطـــوالي

اليا استوى في سرعته يسبق الريح=عذروبه أنّه فالوكالات غالي

وانص المتون اللي زهت بالمشاليح=وابعد عن اهل الذم قيلٍ وقالي

رمز الكرم تلقى الهرافى مفاطيـح=للي لفــاهم ما تصرّ الريــالي

خوة رجالٍ فالمواقف طحـاطيح=على الكرم والمرجله ما تمـالي

اهل الوجيـه النيّــرات المفاليح=وعن خوّة الهــافين شد الرحالي

وابعد عن اللي رفقته للمصــاليح=اللي يتردّى فالرفيق الموالي

وين الذي يبغى الهنـا والمرابيح=البـل لها عند المفاخر مجالي

وضحٍ كما صف الخرز فالمسـابيح=صوره عن الواقع ومنظر خيــالي

سنـدا الغــوارب والظهـور المنازيح=وام الخشــوم القايمات العوالي

والخـد تبعد عنّه العين وتزيح=طوال الرقاب ونازلات السبــالي

في شوفها تطرب لها النفس وتسيح=هذا هوى نفسي وذا شفّ بالي

لا ودّه الراعي وجنّـه مطــاييح=تمشي على شفـّه ولاهي تبــالي

على الرحـول يهوبل أحيان ويصيح=وراعي الحلال مباريٍ للحلالي

ياقف لهن راعي الملايين ويطيح=ومن زود مابه قال : ياهملالي

طراة عمري لانويت المســاريح=والمال فدوه دامهن راس مالي

لا ضاق بالي والليـــالي مشافيح=عيّـنت فيها راحتي وانشغالي

هذي السعاده بابها والمفاتيح=من بعد طاعة ربنا ذو الجلالي
[/poet]

[poet font="Simplified Arabic,7,black,normal,normal" bkcolor="transparent" bkimage="backgrounds/17.gif" border="outset,4,gray" type=0 line=200% align=center use=ex length=0 char="" num="0,black" filter=""]
ياقف لهن راعي الملاييـن ويطيـح=ومن زود مابـه قـال : ياهملالـي
هـذي السعـاده بابهـا والمفاتـيـح=من بعد طاعـة ربنـا ذو الجلالـي
[/poet]
الأخ فالح
لا بالله الا تنال اعجابنا
لا هنت مليون ولا يكفون
بيض الله وجهك على هالنقل الرايع
سلمت يمينك
وصح لسان الشاعر
لا تحرمنا يبن بدن مما لديك
أخوك
محمد بن جاري

ياقف لهن راعي الملايين ويطيحومن زود مابه قال : ياهملالـي
هذي السعاده بابهـا والمفاتيـحمن بعد طاعة ربنا ذو الجلالـي


الله الله


صح الله لسااااااااااااااااانه

وكفو كفو

اشكر جميع الاخوان على مشاعرهم الطيبه
ولاهنتو

ياقف لهن راعي الملايين ويطيح $$$ ومن زود مابه قال : ياهملالـي
هذي السعاده بابهـا والمفاتيـح $$$ من بعد طاعة ربنا ذو الجلالـي

====================

لاهنت يا فالح وأبيض وجه على اتحافنا بهذه الفاتنة

وصح لسان شاعرنا راكان الغني عن التعريف

اسلم وسلم يا بعدي

أخوك

فالح بن بدن

صح لسان الشاعر راكان بن بدن

والله لايهينك على نقل القصيده الاكثر من رائعه تقبل كامل الود والاحترام

اخوك
فيصل العتيبي

صح لسان الشاعر

ومشكور أخوي ...

صح الله لسان الشاعر

صح الله لسان الشاعر
وبيض الله وجهك

لا هنت يا بو بدن على كتابت القصيدة

تسلم ويسلم راعيها ...

ونبي غيرها ,,,

صح لسان الشاعر

ومشكور أخوي ...