|
استشارة في قعود على خشبان 2 مرفق الاخوه الاعزاء في المنتدى .. السلام عليكم ورحمة الله وبركاته : اعرض لكم قعود توه مشري ونتشرف بالتقييم من اخواني في المنتدى لإن رايكم تاج على راسي ... السن : جذع . الساس من صوب ابيه : خشبان البخيته ولد خشبان العصلب اللي باعه ابن بخيته على محمد بن زايد الخيارين . الساس من صوب امه : من آبل ابن شريم . الصورة الاولى : 11/3/1431هـ الصورة الثانية : 16/12/1430هـ ولا نتسغني عن تقييمكم من جميع النواحي وهل يستاهل انه ينهد ... والله خير الشاهدين ... ودمتم ... |
الله يبارك لك فيه انشالله انا اشوف ان موخره ردي وشاربه قصير جدا يعني قعود عادي |
القعود عليه ملاحظات من ناحية العظم-المشرب-صغر الراس-الجنب من ناحية الشكل ماينهد ويبقى الساس وانت اخبر به والله يبارك لك فيه وجميع حلالك اخوي ناشي |
اخوي ناشي الفحل مبروك بس من استفسار عن ابوه فنيس الهاجري اهو نفسه محمد بن زايد الخيارين لتوضيح فقط محمد بن زايد عنده بعير على خشبان ومنتج اشتراه بمليون وستميه |
الاخوان الاعزاء بخيت البريدي حاتم العماري شكراً على التقييم ويعلم الله أن الملاحظات والتقييم تاج على راسي لإنها من رجال أهل ابل ... الاخ العزيز / ظافر آل حويدر مع التحية بالنسبة ساس القعود من صوب ابيه : خشبان الي اشتراه محمد بن زايد الخيارين من آل بخيته وهذا على ذمة صاحب القعود السابق مهدي بن فنيس اليامي وفنيس الهاجري توقعت انه شخص اخر ومشكورين على التوضيح والتقييم ... والله خير الشاهدين ... |
الاخ العزيز القعود شكليا وسط راسه صغير وغاربه قصير وجنبه قصير وفيه اللون والرقبه طيبه والاصل طيب مافيه كلام وباقي الانتاج |
| الساعة الآن 54 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |