|
خلفه وقعود الله يعزكم يسهلون .. وش العلاج ؟ سلام عليكم ورحمة الله وبركاته ,,, يالربع مافي الا سلامتكم 1- عندي خلفة مغتر اليوم الصبح وضعها ما عجبني تقل فيها شي رجعت لها العصر لقيتها على جنبها والله يعزكم لقيتها حافزه بقوه قومتها وخليتها تمشي مسافة عشرين مت الا وهي تسهل بقوه تقول حنفية ماء وانفتحت واستمرت على هالوضع يجي ساعتين كل عشر دقايق او ربع ساعة تسهل وينزل سهالها غلى رجيلها تحتها بكره طيبه بالحيل وترضع من امها تقول مترديه مثلها بس ما لاحظت عليها سهال. 2- عندي يالربع قعود ابو ثلاث شهور له ثلاث ايام ملاحظ عليها الله يعزكم سهال في رجيله اليوم العامل قالي ان سهاله قوي لدرجة انه يبعيد عنه ماهوب ينزل على رجيله مثل الخلفة مريت البيطري وعطاني كيستين صغار لونها حمر فيها بودرة بيضاء قال خذ منها ملعقة وحلها بموية وعطها القعود مره باليوم مدت ثلاث ايام طبعاً قبل لا ادري بوضع الخلفة واعدته بكره يطلع معي يشوف لي الخلفة وش تنصحوني فيه يا اهل الخبرة ..؟ |
وش طعامك للخلفه والقعود؟ وهل هي مشبوكه على طول او تسرح؟ |
مرحبا ابو وليد الخلفة طعامها برسيم وشعير مخلوط مع مكعب وتسرح الصبح والقعود مرتن بالشبك ومرتن يسرح مع امه وهو يرضع للحين وحليب امه طيب جدا ما شاء الله بس عزلته عن الحيران مع امه ولا خليته يسرح جاه الدكتور وشافه قالي استمر على البودره اللي عطانياها وصرف له ابره والله مدري شسمها المراد القعود اليوم ما عجبني جبتله ماء لانه من امس ما شرب لاحظت عليه ماهوب قادر ينزل راسه وفشح بغى يجي على وجهه اما الخلفة ما قربت الدكتور صوبها لانه يوم شفتها الصبح ارتحت زانت والله يعزك ما عاد تهسل وتحفز بقينا على مشكلة القعود |
هاااك العلاج ياباااااغيه عطه ابرة مضاد حيوي اسمه \\ لينكو اس \\ 10 س فاللحم مدة ثلاث ايام مع بخاخ اسمه \\\ مونتا \\\ اعطه عشر 10 ظغطات فالفم صباح ومساء مدة 3 ثلاث ايام وسلامتك ولاتنسانا من دعااك |
| الساعة الآن 42 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |