|
تكفون ياهل الابل (عيد المنصوري) يالربع عندي ناقة يضربهن الفحل وتعشر وعقب شهر او شهر ونص تفيخ وش الحل معها مع العلم انا قطعنا عنها وادخل عليها الدكتور يقول ما بها شي عطونا الحل يا وجيه الخير |
عليك بالندوة تمر وملح وعويد وحملها في رحمها وان شا الله تضم عشارها والدكتور عيد المنصوري ما يقصر معك |
بيض الله وجهك عندي سؤال هل العويد هو العويدي(المسمار)ولا غيره |
العويدي = المسمار ولا على كلام القرني زود لكن يمدحون ابرة المثبت |
اقتباس:
مرحبا اخوي الغالي عبد العزيز العصيمي ,,, عندي ناقة حايل نفس الناقة الي عندك جربة كل الطرق ودن جدوى والعام جاني رجال شرواك وشروا من يقراء وقالي اذا عشرة الناقة اكويها عند عكرة الذيل مطرق بالعرض صغير وعملة على كلامه والحمد لله تم لقاحها وولدة الناقة من ايام ,,, قبل كل شيء شيك على الناقة من ناحية التقاطيع وخاصه الحميرى وخل واحد بصير في الدس يعدل القرن من الداخل وعليك بالندوة مجربة والله يتم لقاحها ويرزقك منها ,,, تقبل مرور اخوك مبارك محمد المنصوري ,,, |
بيض الله وجيهكم كلكم وما قصرتوا |
كلام القرني مظبوط وعساه تمسك عشارها ان شاء الله |
أخوي عبدالعزيز اقلب لسان الناقه أذا شفت بقعه صغيره من الدم متجمع فحكه بطرف سكين لحد مايتروح هذه الدم المتجمد وبتعشر ناقتك إنشاء الله من واقع تجربه |
اخوي عبدالعزيز انا اول العام ذا اشترى له اخوي ناقه حايل وفيها مثل الي في ناقتك نضربها وتلقح لها شهر او محاريه وتكسر سوتها اكثر من مره وفتشناها وقطعنا منها وفتحا قرونها ولا فاد معها ودينها للجامعه في الاحساء وسوينا لها اشاعه وطلع مبيضها مسرطن فانا اقولك شل الناقه يا مال العافيه على الجامعه وخلهم يكشفون عليها وما تشوف شر ولا ترى باس ان شاء الله |
| الساعة الآن 45 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |