أستفسار عن الفحل : (( الشبلي ))
 

الله يمسيكم / يصبحكم .. بكل خير
يالربع اللي يعرف شي أو عنده أي معلومه عن الفحل الشبلي لا يبخل علي جعل والديه للجنه ومن يقرأ

اخوى عادل قصدك الشبلي الي بالكويت ؟؟؟

السلام عليكم ابن روق بالنسبه لشبلي مصدره الحقيقي من قبيلة الظفير العزيزه خاصتن من ال سويط وهو فحل كفووو وباعه لاكن نسيت على من لاكن اذكر ان فهيد ابن فنيسان السبيعي قنى فحول من الشبلي الي اشتراه من ابن جريس حضري الدوادمي وانتج عندهم جميعا وشكرا وهاذى والله اعلم .

اخوي نواف اشكرك على مرورك
انا اقصد الشبلي اللي ذكره اخونا مشعل
اخوي مشعل ابسالك الفحل الشبلي (ماغيره) هو عند ابن فنيسان او الموجد عنده الانتاج فقط
والله يعطيكم العافيه والصحه وشاكر لكم تعاونكم...

اكرر : اللي عنده اي ( معلومه أو صوره ) عن الفحل الشبلي أو أنتاجه
الله يوفقنا وياكم

اللي اعرفه ان واحد من الربع عنده بعير على الشبلي ماخذ منيح من الامير سلطان

والبعير شكله طيب راس وغارب وخشم وكل مافيه زين بس انتاااااااااااااااااجه يحذف وحده طيبه وعشر خايبه
والبعير لونه اشقح ويجيب على الوضح وضح وعلى الشقح وضح وحمر وعلى الحمر حمراء ووضحا ووشقحا

جعلك تسلم اخوي محمد ويعطيك العافيه

الشبلي على حسب علمي هو بعير ظفيري

ومن مواصفاتة الجمال في البعير الشبلي

كل مامنة كفو الا وجهه

وفية العجلة والطبع الزين ولذالك البدو يحبونة

وترى فية واجد هدة شبلي واندمة علية

هذا اللي اقدر اساعدك فية وصور ماعندي

السلام عليكم ورحمة الله وبركاته

اخوي عادل الفحل الشبلي فحل من فحول ابل الضفير

وفي كثير هادين فحول على الشبلي وانتج عندهم

فنجال الشيباني سابقا

فهيد بن فنيسان السبيعي

دليل الحارثي ومن انتاجه مرعب فحل ابل فلاح بن حشاش

غازي الجاموس الشيباني

(ام الفحل الشهير تمام شبليه) من ابل سيف الشبلي

بسم الله الرحمن الرحيم
السلام عليكم ورحمة الله وبركاته
اخوي عادل الروقي كنت بضيف فائدة واري اخوي عناد العتيبي قال اللي انا كنت بقوله
واقول كفيت ووفيت يعناد وعساك علي القوة وهذا هو الكلام الصحيح
وتقبلو تحياتي وشكري
عبيد العتيبي

بيض الله وجيهكم أخوي عناد وأخوي عبيد
ماقصرتو ويعطيك العافيه يا عناد كفيت و وفيت وجعلك تسلم

مابعد كلا عناد كلام

مساك الله بالخير اخوي محمد
بنسبة لبعير الشبلي اللي عند الامير سلطان
والبعير شكله طيب تدري ليش يحذف وحده طيبه والباقي خايبه كل هذا من امه وصح بناته امصطر الخايبات والطيبه على حدهن وبالنسبه للون ساسه وضحه وحمرا وشقحه
وتقبل مروري
وتحياتي

رد: أستفسار عن الفحل : (( الشبلي ))
 

السلام عليكم
اخواني انا سمعت ان فيه فحل كان عند بن جريس الله يرحمه
ويوم مات الشايب باعوا عياله الفحل على بن فنيسان السبيعي وانا متاكد أنهم باعوه على بن فنيسان
ف عندي استفسار اي من فحول بن فنيسان كانت ملكيته لابن جريس الله يرحمه