|
الملح في حياها اللي عنده خبره يفيدني .... هل يفيد وضع الملح في حيا الناقه بعد اضرابها مباشره عشان تمسك ؟ |
اشوفهم دايم يحطونه ويمدحونه للعشار بالرغم من عدم اقتناعي وعدم تجربتي له والاخوان بيفيدونك اكثر تحياتي |
يعطيك العافيه اخوي وافي |
والله انا شفت ناس تحط ملح بعد الضراب لاكن للمعلوميه الملح يطير يسرة الناقه |
اقتباس:
اذا ضربت الناقه قطع الزوايد اللي فيها وافرك حياها بملح والغرض منه تعقيم والملح ياكل بعض الزوايد اللي ما تشاف والملح يا طوال عمار مفيد اذا كان في رحم الناقه جرب . ............................ واذا كان ودك تقطع منها قبل تضرب ما فيه مشكله قطع منها الزوايد وافرك حياها بملح وانتظرها حتى تيسر وفك البعير عليها . وجعل ربي يوفقكم ويبارك لكم في حلالكم وكل مسلم |
يعطيكم العافيه الاخ فيصل والاخ ناصر |
والله ياخوي اني خابر الملح اذا كانت الناقه مجسر وماودك يضربها البعير تحط في حياها ملح وتروح الجسره اما عن انها تمسك العشار فهذي فائده اكتسبتها منكم |
والله يا أخوان أشوف شيبان جعلهم وشيبانكم بالجنه , يقطعون عن بعض النياق ويلحون تحت اللسان ومن ثم يضربونهن . ويحطون الملح جلكم الله في حيا ألناقه , ويقولن أنه يمسك العشار , والشيبان جعلهم الجنه خبره واسعه في طب البل . هذا رائي والله أعلم . |
الملح يوضع في حيا النا قه بعد قص الصيد عنها علشان يعقم الجرح ويوقف نزف الدم يعني يكمد الجرح مهوب على شان تمسك الناقه والدليل ان اي جرح فالدبش اذا تم تنظيفه اول ما يحط فيه الملح دليل تعقيم ماله علاقه بعشار الناقه وهذي مشاركتي |
اقتباس:
|
انا مع اخوي ناصر واخوي محمد الحنتوش الملح للتعقيم بعد قطع الصيد عن الناقة لقتل الجراثيم وعدم انبعاث روائح للجرح |
والله انا اضم صوتي لاخوي محمد بن رشيد وهذا اللي نعرفة عن الملح اما انه يمسك العشار فما اظن اما اذا كنت تبي اللي يمسك العشار فهناك ابرة تباع وتعرف بمثبت لقاح تعطى الناقة بعد مايظربها البعير ولك فائق احتراااااااااااامي |
ألف شكر لكل الأخوان اللي أضافوا للموضع الفايده والمعرفه والتي ارجوا أن يستفيد منها الجميع وننتظر المزيد من الأخوان وأصحاب التجربه لتعم الفايده ونستفيد منهم ومن خبراتهم ..... ودمتم سالمين . |
الحقيقة يالنشاما ان الملح له دور ولكن بطريقة غير مباشره وهي ان الملح مثلما تفضلتو يقوم بتعقيم المنطقة ’ وهذا معناه قتل الكائنات الحية الدقيقة من بكتيريا وجراثيم وغيره وعملية الاخصاب تحتاج لجو نظيف وخالي من المنغصات وهذا ما يوفره الملح باذن الله وتحياتي لكم ومنكم نستنير ونستفيد والله اعلم |
| الساعة الآن 18 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |