منتـديـات مــزايـن - من عشقي للبل وأهل البل أرجوا أن تنال إعجابكم

منتـديـات مــزايـن (http://www.mzayan.com/vb/index.php)

- الوسائط المتعددة لمزاين (http://www.mzayan.com/vb/forumdisplay.php?f=105)

- - من عشقي للبل وأهل البل أرجوا أن تنال إعجابكم (http://www.mzayan.com/vb/showthread.php?t=25047)

من عشقي للبل وأهل البل أرجوا أن تنال إعجابكم


	يــالله ياوهــاب يـــاكــاسي الطير= يــامــرسل محمد لجنه ونــــاســـه يالله ترزقني بكــــار(ن) مغاتير= عشرين وضحاء للطرب والوناسه عراض خد وروسهن مابه صغير= وأرقـــابها جرد وطويــلٍ قيـــاســه سبال وافي واللحي طفح(ن) غير= عرنونهــا شـــامخ وفيه إنفطــاســه أذانها متـــأخره وطولـــها قصير= وسنـــامها متفهج(ن) عكس راســه حليبهـــا واجـد عقب وردة البيـر= عده لضيفك صخن في وسط طاسه ليا شفتها ترتع أسوق التبـــاشيــر= والقلب يصفق تقـــل فيه التباســـه معهن فحلهن مــاتبي لمثله مشــير= مجرب إنتــاجه ومعروف ســاســه وقت الهديرتشوف ناس(ن) طوابير= عند الفحل متبــادلين الحراســـــه ليا سرح مايقطف الإ النواوير= ســـاقه سنـــاد ولابه أي إنتكــاســــه أبي أتمشى بينهـــا حزة عصيـــر= وأطرب لشوفتهن وأهجر التعاســه وجدي عليهن وضح صفوه مغاتير= مامرهن عفن(ن) بقلبه نـــجاســــه أشـكي على الله ماملكت الدنـــانير= أشري بها وضح الطرب والونــاســه سلطان بن معيوف

صح الله لسانك ياسلطان
والله يرزقك بالدنانير الي تشتري بهااا المغاتيررر الي تطرب نفسك عندهااا
بيض الله وجهك على القصيده

بيض الله وجهك يابن زبدان والله إن مرورك زي طشة البرد على قلبي وكلامك اللي يدل على ذوقك ..
الزيارات للموضوع 33 ومارد الإ انت ..
والله ثم والله أنك ذوق بكل ماتحمله هالكلمه من معنى..
بيض الله وجهك على الدعوه الحلوه

صح الساانك واعتلى شاانك

والله يرزقك مطلوووووبك

صح السانك سلطان بن معيووف وبيض الله وجهك وشكرا

قاسم بن صنيتان
بيض الله وجهك على المرور العطر وطاب فالك
والله يسعدك على الدعوه الحلوه والله يرزقك الجنه ووالديك

عيد العتيبي
مرورك العطر أضاف للقصيدة ميزة رائعه
شكرا لمرورك الراااااااائع

صح السانك سلطان بن معيووف

موفق بإذن الله ... لك مني أجمل تحية .

هادي بن محمد لك مني جزيل الشكر على مرورك العطر
وبيض الله وجهك

صح الله لسانك ياسلطان بن معيوف,,,
والله يرزقك بالدنانير الي تشتري بهــــــا المغاتيـــــــــرر الي تطرب نفسك عندهااا,,
بيض الله وجهك على القصيده,,
ولاهنت,,

اخيك ,,المحفـــــــــوظي,,

صح لسانك ياسلطان
والله يرزقك بالوضح الطيبة

راكان المحفوظي
بيض الله وجهك على الرد الدال على سمو أخلاقك

صالح المحمدي
شكرا لك وللدعوه الحلوه بيض الله وجهك

صح الله لسانك ياسلطان بن معيوف,,,
والله يرزقك بالدنانير الي تشتري بهــــــا المغاتيـــــــــرر الي تطرب نفسك عندهااا,,
بيض الله وجهك على القصيده,,
ولاهنت,,

محمد المقاطي
بيض الله وجهك يالغالي وماهي غريبة عليكم ياربع الهيلا