قالـوا تبيـع القعـود وقـلـت لا بالله
 

قصيده للشاعر عبدالرحمن عبدالله الحميد في فحله كساب وأتمنى أن تحظى باعجابكم

:

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالـوا تبيـع القعـود وقـلـت لا بالله = والله ما ابيعه وابـوه الزيـن كسابـي
كساب مافيـه فـي نجـد حلـى لـه = واخـوه يذكـر بعـيـد عند الاجنـابـي
كساب مزيون وازيـن منـه حشولـه =واللي شروا من عياله حظهـم طابـي
وقعودنـا ماطـرا بيـعـه بـعـد لله = ومن قال بع ذا القعود اخطأ ولا صابي
ما ابيع لوهم عطونـي بـه ميـة فلـه = ومع الفلل شيك مفتـوح لـه حسابـي
ابـي بناتـه اباريهـن ويبـرن لــه = ارعى بهن في السهل والنفد واهضابـي
وان ركـّب الوقـت والله مابـه اشكلـه = اشتري لهن غالي الاعلاف ما اهابـي
وان لاح برق على الصمان ابي انهج له = اسري بهاالليل لـو ان القمـر غابـي
الـدرب قدامهـن مفـتـوح وادلــه = يازين مطلاعهم مـن ريـع حطابـي
اليا وصلت الربيع اللـي علـى حلـه = خليتهـن يقطفـن مـن كـل نبنابـي
شبيت نـاري وجبـت النجـر والدلـه = وسويت كيف نظيف كنـه اخضابـي
والله ما اغبط المريح اللي علـى زلـه = لو هو غني يلاعـب تلـع الارقابـي
هاذي مجاهيـم والجاهـل بهـا قلـة = تراهن ابل العرب من عصر الاصحابي
ومـا أذم انـا باقـي الالـوان لا والله = كل ومايشتهي مـن عـرب الانسابـي
استغفـر الله عـن التقصيـر والزلـة = ووداعة الله ترى قولـي بعـد شابـي
وصلاة ربي على الهادي علـى الملـة = محمد اللي غلاه أغلـى مـن أحبابـي
[/poet]

وجهك ابيض يابوهادي على القصيدة الجزلة

وصح الله لسان الشاعر

الله لايهينك يابوهادي على إختيارك الجزل

وسلمت يمينك على النقل الرائع

وصح لسان الشاعر عبد الرحمن الحميد

عزالله قال قصيده

ابوهادي

ننتظر المزيد من مواضيعك المتميزه

تقبل تحية

أخوك

الله لا يهينك يابوهادي
وصح الله لسان الشاعرعلي القصيده الطيبه

تسلم يمينك يابوهادي

وصح الله لسااااااان شاعرها


اختيار موفق والله يبارك له في كساااااااب


تحياتي
اخوك

[poet font="Simplified Arabic,5,black,normal,normal" bkcolor="transparent" bkimage="backgrounds/13.gif" border="groove,10,gray" type=2 line=200% align=center use=ex length=0 char="" num="0,black" filter=""]
اليا وصلت الربيع اللـي علـى حلـه=خليتهـن يقطفـن مـن كـل نبنابـي
شبيت نـاري وجبـت النجـر والدلـه=وسويت كيف نظيـف كنـه اخضابـي
والله ما اغبط المريح اللي علـى زلـه=لو هو غنـي يلاعـب تلـع الارقابـي
[/poet]

ابن هادي

أرررررررحب

ولا هنت

بيض الله وجهك على النقل المميز

ننتظر ابداعتك لا تحرمنا منها

تقبل تحيات أخوك

محمد بن جاري

مرحبااااااا يابو هادي مشكور والله لايهينك على القصيده الجزله والرائعه
وصح لسان الشاعر عبدالرحمن الحميد

ابو هادي

سلمت يمينك على هذا الاختيار الجزل

لاهنت وبيض الله وجهك

وصح لسان الشاعر عبدالرحمن عبدالله الحميد

تحياااااااتي

أخوك

ما ابيع لوهم عطونـي بـه ميـة فلـه ومع الفلل شيك مفتـوح لـه حسابـي


اشهد انه ماهو بايع القعود

مشكور يابو هادي على الاختيار الموفق