نبي الراي حال الخلفه يتردى
 

الاخوه الكرام
السلام عليكم ورحمة الله وبركاته
نبي رايكم في خلفة عندي لها اسبوع اول ما صابها حراره وقل اكلها وعطيتها ابرة بنسلين بناءا عل نصيحة البيطري لمدة 3 ايام ولكن للاسف الى الان، الحراره راحت عنها لكن اكلها كل ماله وينقص وحالها يضعف وعند المسراح هي تالية البل، والغريبه ما تنقد عليها بشي ضاهر لا اورام ولا دموع ودمنها عزكم الله طبيعي ولكن كل مالها وتضعف وحتى حليبها غرز تقريبا ما عاد بها حليب وعطيتها بودره فاتحة شهيه ولا فاد.
تكفون الفزعه بالراي والشور وجزاكم الله خير الجزاء

الله يشافيها رايي عطها ابرة هيام الفرنسي السميلرسان تفيدها ما تظرها وابرة الجرب الزرقاء في اللحم
بالنسبه للحليب طبيعي يغرز بعد البنسلين لكن خلها في المراح وخل البرسيم عند خشمها
وان شاء الله ما عليها باس

مشكور وما قصرت يا ابو سالم على الرد السريع وعسى الله ما يحرمك اجر حرصك على منفعة اخيك وإن شاء الله ناخذ برايك

عز الله قول سديد بس لو ابرة الهيام تخلى اخر الحلول افضل انا توقعاتي فيها دود والابرة الزرقاء كافيه

مشكور اخوي بخيت وما قصرت

مع سالم اليامي

مشكور اخوي عيد واخذنا برايكم وعسى الله ينفع به ولا يحرمكم الاجر

ابرى هيام ويوجد اكثر من نوع ولكن فيه نوع بارد هو الافضل في هذا الوقت

وحبوب دود انشاء الله تفي بالغرض