|
لاهل الخبرة والتجربة الاخوة الاعزاء السلام عليكم ورحمة الله وبركاته عندي فحل ما يطلع هدارته كما ان البعير حاله مهوب زين ظامر البطن من عند مخفق الكلوة خافس وتكرمون دمنه صغار كأنه حاشي وله ريح واحيانا يكون مدبب في احد الجهتين البعض قال لي يمكن فضخ وحلق على سره والبعض قال يمكن جرح وحط ثلاث رقم على الكلوة علما ان البعير اذا برك مايميل على جهة معينة حتى اقول انه جرح والبعير سبق وان اتخم السنة الماضية كما اني شلته بدينة وهو سمين. الرجاء ياسادة الافادة |
الاخ مسعود البعير اذا كان جذع داخل ثني لا تسوي فيه شي الان البعير الوقت هذا يكون هايج ويضمر بطنه ولا ياكل وهاذا طبيعي ..... والدمنه اذا اكانت كنها رصاصه كلاش هذا جرح وغير ذالك طبيعي.... اما الهداره ممكن تكون من عده اسباب ومنها تكون مسدوده من الاعلاف او تكون طبيعيه بنسبه للعمر تحياتي |
الاخ فيصل لاهنت على الافادة وبالنسبة للبعير هرش وظامر من قبل الهياج مع العلم ان اكله زين |
الاخ مسعود العماري اتوقع الفضخ |
الاخ/ عيد مرحبا بك وبتعليماتك شخصيا انا فاقدك من اسبوع وعسى المانع خير وبالنسبة للفضخ هل له علاج بيطري غير الشعبي (التحليق على السر) وماهي اسباب الفضخ؟ ولك خالص تقديري |
مسعود المعماري بالنسبه للهداره بعض البعارين مايظهرها الا اذا شاف بعير ثاني صارت عندي |
| الساعة الآن 33 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |