|
هياج البعاريين السلام عليكم ورحمة الله وبركاته افيدونا افادكم الله كيف يهيج البعير بدري ؟؟ في طريقه تهيجه بدري غير ابرة الهياج ؟؟؟؟ اللي عنده علم يعطينا وبدعيله ان شاء الله |
اعطة برسيم اخضر من اليوم و واصل علية لاينقطع مع الغسل ثلاث مرات في اليوم وخفف علية الماء والبرسيم الناشف واذا فية مجال للمشي ييكون احسن حتى يخف بطنة انا مجربها العام الماضي وضرب البعير في ايام الرحمة من رمضان عساك من الي يبلغونة انشاء اللة والقارء |
الوقت هذا تفتر فيه الركاب وتقطع وقليل اللي يضرب والصامل منها يضرب الميسر اذا شم اليسره ، اما الاستعداد لتهييجها فلا زال الوقت مبكر ويمكن من بعد شهر رمضان انك تبدأ في اكرامها بالشعير والبرسيم وترش ظهورها مع العصير بالماء ، وكل ماذكرته لك هو مجرد وسائل من صنع الانسان لمن تعجل اما الهياج بالتكوين والفطرة ففي وقته المعروف [البراد] سواء كانت العلوفة طيبة ولا رديه ، ولدى الاخوان مايفيدك والسلام0 |
أرحب يا تركي إذا دخل سهيل على خير فك البعير بقيدة مع البل وخله يتكرف البل ولا تستعجل عليه وإذا ودك تقدر ترشه بالماء عقب صلاة العشاء وقبل الفجر وبإذن الله راح يهيج والله يكتب اللي فيه الخير والصالح لنا ولك |
الله يجزاكم خير جميعا ويجعلها في موازين اعمالكم شاكر لكم ومقدر اخوكم تركي |
تبيه يضرب بسيطه اربطه وهات قعود حق ملقوف ويبي الضراب ومسوي نفسه فحل وماعنده سالفه وفكه على الابل قدام الفحل ومن ثاني يوم |
اقتباس:
واول ماتفكه بيعض في الابل ...وانصحك لاتسويها .. الاخوان ماقصروا ابدوا رايهم وبكل اريحيه وانا اقول خل البعير على مشهاه لين يهيج لانه لو هاج البعير عند ويبي يضرب وبطنه مليان اخاف يجيه فضاخ لاقدر الله.. اخوك محمد الهجاني |
مرحبا يا تركي فحولنا تضرب في اول يوم من شهر 10 ميلادي الهرش والي توه ولله الحمد من يدخل عليك شهر 9 خف الطعام على البعير والماء مره في اليوم وقرب منه بعض الابل وهو في مرساغه خله يتكرفها وان شاء الله مايجي شهر عشره الا وهو هايج |
وانا اخوك اكرم الفحل بالطعام الحين وعقب دخول سهيل بعشرين يوم يمدي الليل برد فك البعير يسرح مع امهاته بالقيد وهو بيهيج من نفسه وليا قدرت ترشه بالماء عقب ماتفكه بقيده يسرح ليامنه جاء الليل رش ظهره |
الله يجزاكم خير انا من اللحين مقصر على البعير فالطعام قطعت عنه الشعير واعطيه ذره ناشفه ورق وفاكه فالحوش واغسله بالماء كل يوم الفجر والله كريم ان شاء الله العام ماهاج الا شهر تقريبا وسالت اكثر من واحد من ربعي يقولون ان البعاريين العام هياجها ضعيف والله يكتب لنا ولكم اللي فيه الخير وشاكر لكم جميعا ومقدر والله يجزاكم خير |
بدري عليه تقصر الطعام من الحين الوقت بدري ياتركي يبيلك شهر من الحين علشان تسوي طريقتك الي قلتها تفكه يمشي وترشه بالماء والطعام لاتقصر عليه هو اذا هاج بيعوف الطعام والمسراح مع البل بيضمر البعير |
ماني قايل شي جزاك الله خير على كلامك الطيب... |
اقتباس:
اخوي تركي المفرووض تشبع البعير من الشعير وتقلل الحشايش اذا قطعت الشعير مات حيله ويضعف عطه شعير وللمعلومه الشعير مايكبر بطنه ... وقلل في الحشايش ورشه بالماء وان شاء الله تشوووف تغير وعسى الله يبارك لك فيه ويرزقك منه الانتاج الطيب. |
اخواني الافاضل الله لا يهينكم على المشاركه والرجاء منكم جميعا اللي بتكون مشاركته في صلب الموضوع والا الردود الخارجه عن صلب الموضوع الرجاء التفكير جيدا قبل كتابتها لانكم تغيرون مسار الموضوع الى غير ما وضع من اجله مع التقدير والاحترام لكم جميعا |
| الساعة الآن 01 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |