الحيا التالي صور وفيديو
 

أخواني الأعزاء

السلام عليكم ورحمة الله وبركاته

وأسعد الله أوقاتكم بكل خير

كما تعلمون أنه في يوم الجمعه الماضيه الموافق 1/12/2006 هطلت أمطار غزيره ومتفرقه على أنحاء المملكه جعلها الله سقيا خير وبركه

وجايب لكم اليوم علوم الحيا في الجريبيعات التي تبعد عن نطاع حوالي خمسه وثلاثين الى أربعين كيلو بإتجاه غرب من نطاع
وتبعد عن النعيريه حوالي ستين كيلو بإتجاه جنوب الى غرب من النعيريه ( صور وفيديو)

في يوم الخميس الماضي الموافق 30/11/2006 غبشت بعد صلاة الفجر مباشره صوب البل والبل حول الجريبيعات أنا وربع شرواكم ووصلنا البل بحفظ الله
وكان الجو فالصباح صحو ويوم جا قريب المغرب (العصير) فأيها يوم أدلهمت من شمال (غيم الجو) المهم مالكم في طويل عازه سمرنا ذاك الليل وأمسينا هناك ويوم جات الساعة حول 12 تقريبا في الليل
فنتوعى على صوت المطر فالخيمه أمطرت علينا وجاتنا سبرات طيبه مراً حقوق ومرةً وداني ويمدنا ربي من مدات جوده وزوايد فضله سبحانه ولا وقف المطر إلا الساعه ثمان صبح فيوم وقف المطر وركد الجو
ركبنا مواترنا ناخذ لنا جوله عقب ذا المطر والخير

فالحمدلله لقينا القاع مسيله وريانه والله يطرح فيه البركه ويتبعه بخير

وحفرنا القاع ولقينا الحفر سبق يعني حفرنا إلين توسدنا رقابنا ولا لحقنا مدى الحيا

فلله الحمد كما ينبغي لجلال وجهه وعظيم سلطانه

هذي علومي بإختصار وعفاكم

وإليكم بعض من الصور ومقاطع الفيديو لرحلتنا

صوره لشبة الضو (شبة المنزل اتداوي جروحًا لي.......والنشامى والهبوب الطبيعيه)
http://uae4up.com/thumbs/19d99f28d4.jpg


غضارة الحليب تدور بين الرجال وهذي طراة الرحله
http://uae4up.com/uploads/b28a08c52e.jpg



صوره للغثير أي السحاب اللي قد نثر ماه
http://uae4up.com/uploads/c54db64cfa.jpg



صوره ألتقطت من بعد لبرق (جبال) الجريبيعات ويتضح في الصوره ماء متدفق بعد نزول المطر
http://uae4up.com/uploads/8627d4b2c0.jpg



صوره لشاهد سيل أي أثر سيل
http://uae4up.com/uploads/e42092d780.jpg



صور متعدده لهجله
http://uae4up.com/uploads/d096a2d853.jpg

http://uae4up.com/uploads/6a144d2d94.jpg

http://uae4up.com/uploads/b8c47b9b4d.jpg


مقطع فيديو لهجلة وفالمقطع واحد من الربع يتذوق طعم ماء الهجله ليرى إن كانت صالحه للشرب ورد الوايت عليها
مقطع الهجله من هنا


مقطع فيديو أثناء الرحله وفيه جره صوت لي (متهيض مبطي ماشفت مثل المنظر ذا وجريت صوتي وعسى الله لا يحرمنا وياكم الربيع الزين ذا السنه وكل سنه)
المقطع من هنا


وفي النهاية

تقبلوا فائق إحترامي

أخوكم الصغير/ سفر المري

بيض الله وجهك بياض الشاش على ذا العلوم

ابو حمد

الوافي مايجيب الا وافي

وعز الله انه اللي يزيد في الروح شبة الظو وشوف الهجال

وبيض الله وجهك بياض اللي في الطاسة وفيه العافية للعود

وجرة الصوت مافيها كلام(الله يرحم حال ابن الكوري...مايدق سلف عند ابوحمد) ولكنك انشبت نفسك لاننا بنطلب منك

المزيد من الجرات

اخوك///// مبارك المري

لاهنت يابوحمد
على العلوم الطيبه

يامرحبا تراحيب المطر ياسفر ولاهنت على العلوم الطيبه

الأخوان
راشد اللواء
محمد علي المري
مبارك المري
جاسم الجربوعي
راشد المري
حسين الربيعي

مرحبا تراحيب الحيا والله انه مرحبا

يعلم الله ان شوف اساميكم فالموضوع انه يزيد فالروح

الله لايهينكم على هذا المرور الكريم

وتقبلوا فائق احترامي

أخوكم/ سفر المري

جعل فيه العافيه لذا العود :)


والله لايهينك يابوحمد عز الله انك احييتنا وانعشتنا




لاهنت

اخوك

الله لا يهينك يابو حمد ولاتنسى تزين منزلنا علوا منكم الا جنوب اللا ان كان العريفج فيه معلوق فزين المنزل علوآ قصاد وللا يمينآ شوي.

سفر المري 0
شكرا لك وان شاء الله تذكر الفقع بعد كم أسبوع 0
تقبل تقديري 0

الله لا يهينك يا أبو حمد .

الله لايهينك وبيض الله وجهك

ومشكوووووووور وماقصرت