|
من لايشكر الناس لايشكر الله(خالد الحجي) من لايشكر الناس لايشكر الله الاخ خالد الحجي عضو من اعضاء هذا الصرح الشامخ وله الفضل بعد الله بشفاء ناقتي( محبوبه ) الوصفه ببسي ونسكافيه كانت مشورته لااحد الاعضاء ويستمر بالدخول لموضوع العضو ويطالبه بشده بستخدام الببسي والنسكافيه لحالة ناقته العضو كنت متابع للموضوع ومستغرب اصراره الاخ خالد على العضو بهذه الوصفه 0 0 قصت ناقتي محبوبه لها الشهر والنصف لاتكل ولاتشرب الا القليل وبالمسراح اخر الابل وهي لقحه ام ثمانية اشهر ماخليت دكتور بالمنطقه الا اتجهت له مع صرف الوصفات دون فائده والناقه كل يوم حالها اردا من اليوم اللي عقبه انتظر اتصال من راعي الابل بنفوقها بس لله الحمد والمنه بعد قراءتي لمشورت خالد الحجي للعضو ببسي ونسكافيه مع العلم ان الحاله مشابه لناقتي بس ناقتي ام شهر ونص بالوجع والعضو يومين فقط وانا ذاهب للابل الهمني الله بنصيحت خالد وقررت الوقوف بااقرب سبر مراكت وطلبت القهوه النسكافيه وعلبت الببسي الحجم العائلي واتجهت للابل واشوف الناقه وهي باركه وحالها ردي صاده عن المعلف وعن الابل قلت لعامل طق العقال فيها قال لاتتحتاج لانها لاتقوى المقاومه حطيت النسكافيه بعلبة الببسي الحجم العائلي وانخلطت الخلطه السريه وصبيتها بحلق محبوبه 0 0 النتائج مع البشائر باليوم الثانيه وهو يوم الجمعه اللي فاتت العامل يبشرني ان الناقه مافيها الا العافيه ونهارها كله بالمعلف وحاله افضل من السابق والله عقلها علي واشكر اخي خالد الحجي وجعلها في موازين اعماله على هذه المشوره وانقلها للاعضاء وللحالات المشابها |
يستاهل الأخ خالد كل خير والشكر على مبادرتك الطيبه ولهذا المنتدى العظيم |
بيض الله وجهك أخوي محمد والحمدلله على سلامة ناقتك ونشكر أخونا خالد الحجي على الفايده والأستفاده وفعلاً أخواني هذا هو المطلوب في هذا القسم بالذات المشكله والمرض .. والرأي والعلاج ومتابعة الحاله و ( إفادتنا بالنتائج ) الف شكر أخوي محمد |
الحمدلله على سلامة ناقتك أخوي محمد وبيض الله وجهك يالتميمي وأخونا خالد يستاهل جعلها في موازين حسناته تقبل مروري |
ماتشوف بإذن الله شر في حلالك يا محمد والله يبيض وجه اخونا خالد في الدنيا والآخره |
بيض الله وجهك أخوي محمد والحمدلله على سلامة ناقتك ونشكر أخونا خالد الحجي على الفايده والأستفاده الف شكر أخوي محمد |
مشاء تبارك الله الاخ خالد من الناس الاكفاء والمعروفين في هذا المنتدى جعل من جابه للجنة ... |
مشكور يا محمد على إبداء النتيجة و نحمدالله على سلامة ناقتك وجعل الصحة لها دوم والأخ خالد الحجي ما قصر وكلمة شكر قليلة في حقه والله يبيض وجهه ويجزاه بالخير أثني شكري لك يامحمد على هذا الوفاء وعلى ما قالوا من شبر لك بالجميل تذرع له بالوفاء وأشهد إنك وفيت وشكرت لراع الشور والله يبارك بعمرك |
بيض الله وجهك يالتميمي على وضع هذا الموضوع الذي يعبر عن اصالتك وطيب معدنك والشكر موصول بلاشك للاخ الغالي الاخ خالد الحجي الذي اصر على هذا العضو حتى تعم الفائده وجعلها الله في موازين حسناتكم |
بيض الله وجهك أخوي محمد والحمدلله على سلامة ناقتك ونشكر أخونا خالد الحجي على الفايده والأستفاده |
جعل حلاك مايشوف شر والحمدالله على سلامه ناقتك وبيض الله وجهك وبيض الله وجه الاخ خالد الحجي على متابعته وحرصه على فايده الاعضاء |
بيض الله وجهك اخوى محمد بياض يشع مع كل ريع والحمد لله على سلامة محبوبه وجعلها ماتشوف شر ويبارك لك فيها وفى اماتها والله يجعل مشورة الاخ خالد فى موازين اعماله يا حى ياقيوم |
الله يجزاكم بالخير على كل ماقلتوه ولكم مثلها وزود وهذا واجبنا تجاه كل من يريد المشورة والخدمه والحمدلله يالوهيبي على شفاء ناقتك هذا أهم شيء والله لا يخسر على مسلم |
يستاهل الأخ خالد كل خير والشكر على مبادرتك الطيبه ولهذا المنتدى العظيم |
مرحب بالجميع واشكركم على حسن خلقكم ولاهو غريب عليكم وهذا واجبنا واللي يستحق الشكر يشكر |
| الساعة الآن 49 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |