قم سوّ فنجالٍ ترى الراس منـداش ..... للشيخ مشعان بن هذال
 

[poet font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
ونيت ونة من سرى الليل حشّـاش=عقب الطرب ياطا على كل منقود
خلى هدوم الخزّ و الجـوخ و قمـاش=ومجالس فيها مـن الـزلّ ممـدود
قم سوّ فنجالٍ ترى الراس منـداش=لعيون من قرنه على المتن مرجـود
يابن مهارشكبّ حمسـات الادقـاش=تاتيك حمسات الينابـج بهـا سـود
ودقّه بنجـرٍ يسمعـه كـل طـرّاش=أيضا إلى حرّك على الهون به زود
وحطّه بدلّة مولـعٍ كنهـا الشـاش=وبهارها مقدار خمسة عشـر عـود
الهيل حطّه لا تدانـا ولـو جـاش=ومن الزباد اقنع على شذرة العـود
كنّه بعرض الصين ورسٍ إلى نـاش=أو زعفـران كلّمـا عـلّ مـردود
أبيه رسـمٍ للنشامـا عـن الـلاش=اللاش لا فاقـد ولا هـوب مفقـود
الطيب شدّه والـردي ذاك ببـلاش=واللي يريد الطيب ماهـوب مـردود
لـذاذة الدنيـا معاميـل وفــراش=وصينية يركض بها العبـد مسعـود
وصفرٍ إلى جا العصر مع كلّ هباش=تطاوحـن قلـب المناحيـز بالعـود
في ربعةٍ يلفـي بهـا كـل هتّـاش=يفرح بها اللي من دناياه مضهـود
يالله طلبتك عند سرحات الادبـاش=ذودٍ مغاتيـرٍ ويبـري لهـن سـود
مرباعها الصمّان تبعد عن الطـاش=ومقياضها دخنة الى صـرّم العـود
ياما حلا وقت الضحى طقّ شوباش=وقامت تنـازى بالمناعيـر جلعـود
وأنا على مثل النداوي إلـى حـاش=تنزع كما ينزع من الكـف بـارود
ومن لا يروّي شذرة السيف لاعاش=يصبح عليه مورّد الجيـب مقـدود
[/poet]

الطيب شدّه والـردي ذاك ببـلاش === واللي يريد الطيب ماهوب مـردود
لـذاذة الدنيـا معاميـل وفـراش === وصينية يركض بها العبد مسعـود
وصفرٍ إلى جا العصر مع كلّ هباش === تطاوحن قلـب المناحيـز بالعـود
في ربعةٍ يلفي بهـا كـل هتّـاش === يفرح بها اللي من دناياه مضهـود

=============

رحم الله الشيخ مشعان بن هذال الغني عن التعريف

مبارك سلمت يمينك على اتحافنا بهذه التحفة الشعرية النادرة

خالد

ومن يقول يسلم

لاهنت على حضورك بيض الله وجهك

جاسم

سلمه

ولاشنت ووجهك أبيض

ومشكور على حضورك الكريم

ومني لخالد مع شكرك شكرين

موفقين جميع

العبيه

صباح الخير والعافيه

والعفو

والله لايهينك على الحضور الكريم