|
فزعتكم ومشورتكم السلام عليكم ورحمه الله وبركاته كل عام وانتم بخير .... وعسى ان نكون من صوام هذا الشهر وقوامه ... اخواني انا عندي ناقتين مجاهيم ضرايب وادور فحل لهن طيب طبعا مجهم لكن امس كنت في مجلس راعين حلال وسالتهم عند اهل الفحول الطيبه اللي في الرياض فقالي واحد من الحاظرين ليش ماتضرب الناقتين من فحل اصفر وبينتج انتاج حلوو البعض وافقه والبعض عارضه ..... وانا طبعا عشقي المجاهيم بس ماحولنا فحول طيبه .... واحد من اللي موافقين قال انا ابدور لك فحل اصفر طيب بس بصرااااحه انا ماني مقتنع بفحل اصفر يضرب مجاهيم .... وصراحه انا تعبت لي كم سنه كل اضرب حلالي من فحول عاديه واقل من عاديه لاني مظطر واذا جاء الانتاج ليني تعبت ولا ستفدت شي (رزق من الله الحمد لله والشكر) بس الواحد وده لاضرب يضرب من الفحول الطيبه عشان اذا جاء الانتاج لينك تحس انك تعبت ونلت .... وانا صراحه اكثر من واحد قالي رح دور فحول عند الجنادريه والفروسيه لكن اخاف يصير معي مثل ماصار مع ولد خالي جاب نياقه من 600كيلو 3 نياق ولااضرب الا وحده كل ماجينا عند واحد قالنا ماعليش والله الفحل مهدود حيله وهو تشوفه يضرب لحلال فلان وعلان اخر شي الرجال قال لو القى ساحلي (لايزعلون علي اهل السواحل)اضربت منه تعب انا اخاف يصيرلي زي ماصارله انا مابي اضرب نياقي من الفحول اللي اقيامها غاليه لكن انا ابي اضربها من الفحول الطيبه اللي لادخلت الشبك تنطرب من الانتاج تحسس انك تعبت وصبرت ومشاوير لكن في الاخير ترتاااااااااااااااااااااااح فانتم وش رايكم هل اهد عليها اصفر او مجهم .... انا لو القى فحل مجهم طيب اضربت منه لكن اذا مالقيت مالي الا فحل اصفر اسف على الاطاله ... اخوكم الصغير زياد الحربي |
رد: فزعتكم ومشورتكم اخوي الحربي هل الخير موجودين والانتاج حظ نصيب اذا اعطاك الله تيسرت كل الامور ودور فحل مجهم وبتحصل ان شاء الله |
رد: فزعتكم ومشورتكم الله لايهينك اخوي محمد |
رد: فزعتكم ومشورتكم عليكم السلام ورحمة الله وبركاته مرحبا يازياد والله لا يصغرك تمهل شوي للحين الوقت بدري ونصيحتي حاول تلقى بعير مجهم طيب وكلها الا ناقتين وبتلقى الفحل الطيب واذا ما حصلت بعير طيب اضربها بما شئت من الركاب اهم شي البيعه الطيبه والله الموفق شكرا --- |
رد: فزعتكم ومشورتكم الله لايهينك ياجابر بس وانا اخوك انا حطيت الموضوع في الوقت هذا عشان يوم يجي وقت الهداد ليني اعرف العلم الوكاد يامجهم ان توفر او اصفر |
رد: فزعتكم ومشورتكم شوري ضرب عند عبدالله ابن شعف الدوسري الرجل كفو ولا يرد احد وبعيره حرصان من اطيب الفحول لو ضرايبك عفر كان ابشر بالي يسرك هذا الي اقدر افيدك في موضوعك والله يوفقك |
رد: فزعتكم ومشورتكم اخوي غازي بيض الله وجهك ولاهنت لكن لاهنت ووين ابل عبدالله الدوسري |
رد: فزعتكم ومشورتكم اخوي زياد الحربي مساك الله بالخير والعشر مباركة كان تبي نصيحتي لا تضرب المجاهيم إلا بمجهم صحيح أن الأصفر الطيب يطلع على المجهم شئ ثاني لكن المجهم للمجهم وأعفاك والمجاهيم الطيبة صراحة نادرة لكن الي فيهم خير واجد خص أهل الفحول المجاهيم وإذا مالقيت فحل مجهم طيب راسلني والخير عند الله واهله واجد تحيتي لك |
رد: فزعتكم ومشورتكم اقتباس:
ابن شعف في الوادي وادي الدواسر |
رد: فزعتكم ومشورتكم بيض الله وجهك اخوي حمود ... ولاهنت ياغازي |
رد: فزعتكم ومشورتكم السلام عليكم اخوي ودي افيدك انا عندي فحل اصفر انتاجه طيب اذ بغيت حيك الله فحل عن الرياض 90 ك |
رد: فزعتكم ومشورتكم عبدالعزيز بيض الله وجهك وعلمك غانم والله لايهينك |
رد: فزعتكم ومشورتكم يازياد الموضوع سهل جدا وانا اخوك الفحول الطيبه تلقاها عن اللحوات الطيبه ادخل ساحة العرض وشوف الفحول الطيبه وانشد من اماكنها والي يناسبك ومكانه حولك دق موترك سلف وحول عليه وعلمه بعلومك وان رحب بك الرجال وقال الفحل للجميع بيض الله وجهه شد شبوكك وحمل نوقاتك وروح له :) وللعلم في ملاك فحول طيبه مشهورين بطيب الجناب والكرم زود على غيرهم وانا من صوبي وفي وجهي اصفط لك فحل محمد بن زايد الخيارين ( معيضان مشلش ) موجود بخريص حاليا ولا برد الجو حول شمال على الصمان واتمنى اني افدتك ياخوي زياد .. احـترامي |
رد: فزعتكم ومشورتكم لاهنت ياشافي وبيض الله وجهك ..... ولاهنتوا جميع سوا من اضاف رد ام زار موضوعي وبيض الله وجيهكم |
| الساعة الآن 46 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |