|
من يعطينا العلم يالنشاما السلام عليكم ورحمة الله وبركاته أسعد الله صباحكم بكل خير وجعلكم الله من عتقاء النار وتقبل الله طاعتكم.. يالنشاما عندي بكرهـ مزيونه وسنها مفرودهـ والزباين كل يوم جايها واحد ولاكن البكرهـ فيها مثل الجفال ماتقارد ولاتخليني احك لها نصحني رفيق لي وقال عطها ماء فيه شوي سكر بغرشه ولاجابت نتيجه ولا شربت ولا قربت والقمها كل يوم خبز الصبح والعصر ولابغيت اقرب منها هجت وش الحل يالنشاما ابغى طبعها يزين ولاتباعد لاتبخلون علي جعل من ارثكم للجنه الباردهـ |
رد: من يعطينا العلم يالنشاما مرحبا ياناصر عليك بالخبز والتمر والشغله يبيلها صبر مهيب بين يوم وليله بتقارد والله يبارك لك فيها |
رد: من يعطينا العلم يالنشاما مرحبابك ياعلي راح نصبر ونركي عليها تمر الحساء والخبز ولاهنت جعل شيبانك الجنه |
رد: من يعطينا العلم يالنشاما توهـا فارد امها لايمكن تقردلها - انا حاصلي نفس حالتك وتركتها مع البل واقرد للبل ومع الايام ركدت البكرهـ المسأله صبرررررر ,,, الله يطرح فيها البركه |
رد: من يعطينا العلم يالنشاما ما دامها تروح وتجي مع البل بتبطي ما قاردت لكن اشبكها مع حاشي يقارد وعط الحاشي خبز وهي بتجيك ومن يوم تاكل من يدك راح الجفال |
رد: من يعطينا العلم يالنشاما اخووي ناصر انا اايد كلام حاصل لآن حصل معي نفس الحاله شريت بكره والبكره بعد ياميه وسويت نفس الى قال حاصل ولآكن خل الشبك صغير اعطه خبز رطب بس لاتكثره وخل معك عصااااا وحككه من النحر ومن عن الوك ونا اضمنلك بعد الله ثلاثه ايام وتغير 100% 100% |
رد: من يعطينا العلم يالنشاما اقتباس:
انا خليت العيال والرعيان يوميا معهن في الشبك كل يوم والان زانت الامور المفروض انك من بدري علمتها على المقارد |
رد: من يعطينا العلم يالنشاما الله لايهينكم تمت تجربة ماقلتو والحمدلله فيها رجا يبي لها يومين بس ويزين طبعها |
رد: من يعطينا العلم يالنشاما اقتباس:
كلام سليم وصحيح انا مجرب حطها في شبك صغير بس |
| الساعة الآن 15 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |