** تطرق عمايمنا هبوب الذعاذيع ^^ ونلقى حياة في القصور معدومه **
 

الوضح

ياللي تسوم الوضح ماهيب للبيع
اللي يوسع خاطري لاتسومه

دور وتلقى البيع عند الطماميع
اللي تصفي كل يوما بيومه

وش اتسلابه ليال المرابيع
لاناظ براق ثقالا غيومه

لاقالوا الحاشي علق في الطواليع
والسيل عساسه عطانا علومه

وضح بعد مقياظها في المشاريع
ماشط من بعد المعشى تهومه

لاروحت مثل البني المفاريع
وعيالها خلف الرحول محكومه

تنسف على ايسرها خشوم الترابيع
والعتش الاول تنزعج مع ثلومه

ناخذ من السجات معها قراطيع
لين مهموم القلب تذهب همومه

تطرق عمايمنا هبوب الذعاذيع
ونلقى حياة في القصور معدومه

ليا دار فنجال الدلال المهانيع
اللي بهن لمخلط الكيف عومه

في خايعآ فيه الزبيدي مصاليع
والربل والملاح كاسآ حزومه

هذا هوى بالي وباقي المواضيع
النفس عنه مقيده ومخزومه

والرابح اللي مدركآ ذبة الريع
وله سمعة عند الرجال محشومه


الشاعر / عبدالله بن عون

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

صح السان الشاعر الكبير ابونايف
وبيض الله وجهك يابوفهد على النقل الجزل

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

صح لسان الرويس
وطابت ايامك على النقل

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

ياللي تسوم الوضح ماهيب للبيع +++++ اللي يوسع خاطري لا تسومه

بيض الله وجهك ياخوي / لاحق فهد العتيبي

وصح لسان ابن عون

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

لاهنت على النقل المميز

وصح لسان الشاعر الكبير

تحياتي

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

بيض الله وجهك على النقل الطيب وصح لسان الشاعر الكبير بن عون

رد: ** تطرق عمايمنا هبوب الذعاذيع ^^ ونلقى حياة في القصور معدومه **
 

لاهنت على النقل


تحياتي

رد: ** تطرق عمايمنا هبوب الذعاذيع ^^ ونلقى حياة في القصور معدومه **