|
سؤال عن انتاج الفاطر فيه سؤال هل الفاطر تجيب الز ين او لا لن واحد وده يجمع فطير مزاين فيه بطن او بطنين ارخص له وش رايكم لنقاش |
رد: سؤال عن انتاج الفاطر وعليك السلام ورحمه الله وبركاته الزين علمه عند الله بس في الغالب ولد الفاطر عمره ردي (صغير الحجم) سبب قله التغذيه وهوا في بطن امه وحليبها مامنه فايده |
رد: سؤال عن انتاج الفاطر الفاطر ام البل وفيها الخير والبركه الفاطر اللي بطنها زين خيار معقول للمبتدئ واحد الملاك المعروفين يقول قنيت البل سنسن طويله ولا ظهر عندي زين واشتريت فاطر اصلها وبطنها طيب وجابت معي بطنتين قعود وبكره واحد راح ب500 الف والثاني ب 800 الف وعلى فحل ابلي!! شوف الفرق ومن بعدها عدل في ابله واستفاد بعض الملاك يخلي الفاطر انتاج ........يعني يسحب ولدها تحت ضير ويضرب الفاطر مره ثانيه علشان حليبها احيانا ما ينفع الحوار ويستغل الوقت انا شخصيا اشتريت حواره ب16000 من تحت فاطر ماتعطيها 2000 ريال واخذت امها معها ترضعها فتره لان صاحبها ماعنده ابل وبعد فتره قال لي ترا الفاطر هديه واضربتها البعير وجابت بكره ثانيه وبعت الحواره توها طراح مع اختها بمبلغ طيب جدا ولله الحمد والان الناقه معشر وبطنها من افضل البل آسف على الاطاله ............... للفائده فقط تقبل تحياتي |
رد: سؤال عن انتاج الفاطر انا أعرف واحد عام 1418كان يشتري الفطير من الجنادرية العوراء والشقاّ والضالع وكنا نضحك علية ؟؟؟ وكان يضربها الفحول الطيبة والأن أبلة طيبة جدااا وقمنا نضرب عندة اللة يوفقة والجميع |
رد: سؤال عن انتاج الفاطر احرص على الفطير الي معمقها طيب ولا اعتقد انك بتلقاها بسهوله |
| الساعة الآن 31 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |