|
تكفون ينشاما الفزعه ياربع عندي بكره أول لقاح لها جاها نزر في ديدها بتحديد في القادم ألايسر المهم أهملناها ولا ضربناها ابرت بنسلين خفنا على الحوار وفي نصف رمضان أصعدة المهم الناقه أنسل حالها وراحة كنها سناره وقبل ثلاثه ايام ضربناها ابرة بنسلين ثلاث مراة ورى بعض ولكن البكره على ماهي عليه يقولون ا نزر له كوي اتمنى من لديه معرفه سوئن كوي أوطب بيطره قد جربه يفزع بعرفه الله لايهينكم ومشكورين مقدمن |
رد: تكفون ينشاما الفزعه خيل البل واحد وربعين مشاهد ولاجا وب وحد منهم حتى لو قال ماعرف وتمنى من الشباب يفودونك وين القائمين والمرقبين على المنتدى أنا كنت مبسوط اني لقيت منتدى للأبل أفيد وستفيد منه لكن للأسف خيبتو أضن |
رد: تكفون ينشاما الفزعه والله اني مدري وان شاء الله يبي يفيدونك الاكثر مني خبره وصبر شوي وتنهل الردود |
رد: تكفون ينشاما الفزعه فهد الجذع حياك الله وشكرآ على المروووووووووور ونشاء الله يجي ألى يعرف |
رد: تكفون ينشاما الفزعه الاخ عبدالله الناقه محتاجه لكشف وتحليل عشان نتأكد ان مرضها نزر او شي ثاني واعطيك العلاج المفيد ان شاء الله . لكن استخدامك للبنسلين للنزر مايكفي لان البنسلين مفعوله بسرعه يروح من الجسم وقد تكون تكون مناعة للميكروب منه وانا انصحك تجرب عليها مضاد حيوي طويل المفعول ( مثل اوكسي تتراسيكلين او الجنتاميسين + مضاد التهاب ) ولازم تحط يدك على الديد اذا هو ملمسه حار ويوجع الناقه معناته فعلا التهاب والافضل انك تشملها عن حرارة الارض . وتستخدم مرهم ضرع داخلي ان امكن . وانصحك تبعد عن الكي خاصتا بمناطق مثل الديد يكون فيها الجلد ضعيف وكله اوعية دموية اتمنى اني افدتك لان الحاله يبيلها كشف لكن لكل مجتهد نصيب وماتشوف شر ان شاء الله آخوك د / طلال الخالدي |
رد: تكفون ينشاما الفزعه مشكور لك اخوي طلال الخالدي البكره ياطويل العمر هلحين كنها اشوى من ناحيت خاطره وشوحه كنه أفضل لاكن الديد محصي والحراره الي كانت في الديد راحت يقول العامل طلع من القادم شي ابيض شوي يوم عصر الخلف وشرايك اتركه والله الحامي ومشكور والله يجزاك خير |
رد: تكفون ينشاما الفزعه اعصره ونظفه ورشها بماء وملح تعقيم ان شاء الله مافيها الا العافيه |
| الساعة الآن 47 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |