|
دليل الفحول المنتجة للضراب السلام عليكم ورحمة الله وبركاته مقترح بسيط وللفائدة نعلم أننا الآن في بداية موسم الهداد وعسى الله يسوق الخير للمسلمين في أرضهم وحلالهم وبما أن الأخوة منتشرين في أنحاء الجزيرة وكل في منطفته هالأيام أقترح أن يتعاون الجميع في خدمة أخوانهم ممن لايملك فحل منتج أو يريد تغيير انتاج ابله من فحل أطيب فيوضع اسم الفحل واسم صاحبه ولونه وموقعه ممن لايمانعون بتمنيح البعير ولا يردون عن الضراب حتى يتمكن صاحب الناقة من معرفة الزمل المنتج القريب من مكانه ويضرب ناقته والله يوفق الجميع ... |
رد: دليل الفحول المنتجة للضراب فكرة طيبه وبيض الله وجهك ولاكن نبي التنفيذ >> يفتح موضوع ويثبت من قبل الاداره وكلن يدلي بدلوه وأن حصل صور للبعير وانتاجه يكون الموضوع اجمل وأن ماحصل صور تكفي المعلومات من حيث الموقع والانتاج وطريقت الاظراب ولاهنت على البادره الطيبه |
رد: دليل الفحول المنتجة للضراب مشروع رائد ورائع والله يوفقك ياعزيز أنا بالقصيم وعندنا فحول ولا يمانعون بالضراب بعضها انتاجه انتاج (( بداوة : يعني زين متوسط ومقاني )) وبعضها انتاج فاخر بس مزحومين بالسرا وبانتظار تثبيت الموضوع وابشر بعزك ياعزيز أنت والأخوة |
رد: دليل الفحول المنتجة للضراب موضوع جميل واكثر من رائع بالنسبة لصاحب الفحل الطيب اللي مايمنع عنه احد, يوصف مكانه وأصله وبيض الله وجهه واللي يبي صور ومقاطع فيديو , انا عن نفسي ماابي اكلفه , اجي محله واشوفه على الطبيعة واشوف انتاجه , واللي يبي يصور ويجتهد من أجل الأجر جزاه الله خير وماقصر وبارك الله في حلاله (((( اتفاعل مع هذا الموضوع ))) عندي قعود يضرب السنه هذي ابوه ولد (عليان) بعيـر ابن حاضـر الرويـس (( المكان : غرب الرياض , قريب من سوق الأبل)) القعود , ابوه معروف طيب بالحيل والناس عنده بالسرا والان انا موجود والله يحييكم من بعيد ومن قريب |
رد: دليل الفحول المنتجة للضراب مرحبا بك وبمقترحاتك والفكرة طيبة ونافعة لصاحب البعير بإشهاره ولاصحاب الحلال في تحسين الانتاج ولكن حتى يتم تحقيق المراد أرى انه لابد من توافر شرطين : 1- موافقة صاحب البعير على ادراج بعيره ضمن الدليل لان للشهرة ضريبة 2- أن يعرض انتاج الفحل معه قبل ادراجه في الدليل للمصداقية وحتى لايكون الهدف اشهار البعير دون وجود انتاج يذكر والرأي مشترك والامر مطروح للنقاش |
رد: دليل الفحول المنتجة للضراب موضوع جميل جدأ والفائدهـ عاااااااااااااااامه للكل لاهنت ياأخوي :) |
رد: دليل الفحول المنتجة للضراب اقتباس:
الله يعطيك العافية وبيض الله وجهك وأمثالك الله يعطيك من خيره ويكفيك شره ويش لون القعود بارك الله فيك ا |
رد: دليل الفحول المنتجة للضراب الله يجزاكم الخير والبركة والتوفيق خدمة للجميع ومشكورين |
رد: دليل الفحول المنتجة للضراب الفحل __ الون __ اصل الفحل الناهي __ مجهم __ الوافي مسربلان __ مجهم __ مشعوفان فحول ابل الامير فيصل بن ناصر بن فهد بن فيصل ال سعود الموقع خليفه الدهو طريق الدمام السريع ملاحظه : الانتاج موجود |
رد: دليل الفحول المنتجة للضراب اقتباس:
|
رد: دليل الفحول المنتجة للضراب اقتباس:
مشكور يبو محمد على جهودك ومن بوابة مزاين ارحب بالجميع وبنسبه لانتاج الفحل نوماس موجود في منتدى مزاين وعرضي ليس لشهرة وان شاءالله ماخذ حقه في الشهره ومنتدى مزاين زاد في شهرته وهدفي لفعل الخير ومن اردا الله يحييه وللمعلوميه السراء الان تجاوز شهر 2 يعني التسجيل من شهر 3 وطالع والموقع محافظة الخرمه لون الفحل مغتر للمعلوميه ج 0595443610 ابوياسر |
رد: دليل الفحول المنتجة للضراب اقتباس:
بيض الله وجهك عز الله انك كفوووووو والله يبارك لك في حلالك ومالك تحياااااااتي لك ,,, |
رد: دليل الفحول المنتجة للضراب [QUOTE=غازي الشريف;393327]مشكور يبو محمد على جهودك ومن بوابة مزاين نا ارحب بالجميع وبنسبه لانتاج الفحل نوماس موجود في منتدى مزاين وعرضي ليس لشهرة وان شاءالله ماخذ حقه في الشهره ومنتدى مزاين زاد في شهرته وهدفي لفعل الخير ومن اردا الله يحييه وللمعلوميه السراء الان تجاوز شهر 2 يعني التسجيل من شهر 3 وطالع والموقع محافظة الخرمه لون الفحل مغتر للمعلوميه ج 0595443610 ابوياسر بيض الله وجهك يابو ياسر والطيب من أهله ماهوب غريب عسى الله يباركلك بحلالك ومالك ونوماس شاهره أنتاجه وطيب راعيه |
رد: دليل الفحول المنتجة للضراب وين التفاعل الرسمي |
رد: دليل الفحول المنتجة للضراب أشكر الجميع على التفاعل الهادف والرجاء من الأخوة المشرفين تثبيت (( زبدة الموضوع ))رسمياً لفائدة الجميع منه وسحب مشاركات الأخوة (( العروض المقدمة)) الى الموضوع المثبت وبهذا يسهل الوصول وينتفي تعب البحث للجميع .... والله يطرح البركة للجميع .... |
| الساعة الآن 41 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |