|
ياهل الخبره فيه بعير احتنت عراقيبه وش علاجه السلام عليكم ورحمة الله وبركاته اما بعد اليوم جاني واحد من الربع وعنده بعير احتنت ارجله من العراقيب ولان من ورا والبعي غالي وهل يرفع له الطعام او يحطه في ارض واطيه وش زين له حتا ترد ارجله سيده وارجو من عنده خبره يفيدنا ومشكووورين |
رد: ياهل الخبره فيه بعير احتنت عراقيبه وش علاجه وعليكم السلام ورحمة الله وبركاته مرحبا بوسنيده علاج الفحل ان يشوف احدى الطرق التاليه : 1- يحاول يقيد الفحل ويفكه مع امهاته ولايجعلها في شبك ضيق, وبيتعدل ان شاء الله . 2- فيه ناس يربطون الفحل من خلف عكس الرباط الي نعرفه (يعني يرسق البعير من رجله ) . هــذا الي اقدر افيدك من خبره شفتها والله يشوفله ,,, |
رد: ياهل الخبره فيه بعير احتنت عراقيبه وش علاجه مرحباا ياراشد ...البعير مشكلته من المزاول يعني انه يرتكي على ارجيله وهو في مربطه وهذا واحد من اشكال المزاول والحل واحد فقط انه معاد يربط ولايحط في شبك ويسرح مع اماته وسلامتك يالشيخ |
رد: ياهل الخبره فيه بعير احتنت عراقيبه وش علاجه من خبرتي عندك خيارين : 1- اما انك تفكه مع امهاته يسرح معاهن . 2- افرش له كدش تحت البعير . واذا سويت الاثنين يا سلام واذا عطيته بودره حديد ونحاس يا سلامين والخيار لك عزيزي |
رد: ياهل الخبره فيه بعير احتنت عراقيبه وش علاجه ياليت تبين لنا اخوي راشد المقصود لنستفيد هل العراقيب صارت هزع اكثر من المعتاد ولا ان الكراع نفسها فيها ليونه؟ تقبل تحياتي |
رد: ياهل الخبره فيه بعير احتنت عراقيبه وش علاجه صباح الخير يا زايد وش الكدش اللي نفرشه تحت البعير |
| الساعة الآن 52 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |