منتـديـات مــزايـن

منتـديـات مــزايـن (http://www.mzayan.com/vb/index.php)
-   خيمة العلوم والأفكار التطويرية للابل (http://www.mzayan.com/vb/forumdisplay.php?f=184)
-   -   100×100 قصة و قصة (http://www.mzayan.com/vb/showthread.php?t=30166)

عبدالعزيز المنقاش 07 / 10 / 2010 33 : 09 PM

100×100 قصة و قصة
 

سمعت قصة قصيره عن حب الناقه لحوارها هي :

فيه ناقه مات حوارها وصارت كل يوم تنام عنده مدة طويلة حتى صار عظام .

ياليت الرد يكون عباره عن قصه سمعها عن الابل

ملاحظة : الرد بقصة فقط ((الرجاء من المشرفين حذف ما عداه من الردود ))

خالد الفالح 08 / 10 / 2010 03 : 02 AM

رد: 100×100 قصة و قصة
 
بيض الله وجهك على البدايه وفتح الباب اسمح لي بتعديل العنوان الى
( افلا ينظرون الى الابل كيف خلقت)( قصص من واقع الابل )
حدثني احد اعضاء المنتدى عن انه استضاف رجل كبير سن اعطاه الله عذوبة الصوت في حفلات السامري عند الابل وكان مراح الابل بعيد عنهم فطلبو الحضور ان يسمعهم بعض السوامر بجرة الصوت فاخذ يهيجن ويجر الصوت واذا بالابل تحرك من مراحها وقربت ووحده من الابل تقرب من الشايب وتحط راسها على كتفه وخاف الرجال وجض وقاله راعي المحل كمل وكمل والناقه تدمع عيونها على متن الرجال وتحن سبحان الله على المشاعر ورقة الاحساس عند الابل

عبدالله مصلح الحربي 11 / 03 / 2011 57 : 04 AM

رد: 100×100 قصة و قصة
 
السلام عليكم ورحمه الله في البدايه اشكر الاخ عبدالعزيز واطلب من المشرفين تثبيت الموضوع لي قصه مع فحل باكستاني شريته وهديته في الابل وهذي السنه هديت غيره وقلت اوديه الحراج ابيعه وحملته في دنه وديته مكان الحراج ومشيت وثاني يوم العصر رحت الحراج نزلت من السياره ون البعير يناظر علي قدي ويجر في الحبل قربت منه طالعت في وجهه شفت اثر الدموع اسود علي خدوده وفي ذاك الوقت قلت لصاحب الحراج ماعاد هو للبيع وحملته ورجعت وانشاء الله ما ابيعه الا لواحد اعرف انه يهده في ابل ودمتم سالمين

عبدالرحمن سعود العتيبي 03 / 04 / 2011 36 : 02 AM

رد: 100×100 قصة و قصة
 
اشكرك على هالفكره ..وقد كانت هذه الفكره في راسي منذ وقت طويل وتمنيت طرحها في كتاب .فالمشاهد التي شاهدتها بعيني كثيره فقد كتب الله لي ان اكون صاحب ذود منذ الصغر
ومن الاحداث التي وقعت لي مايلي...
1- عندي فاطر خلفى والفجر ما تقوم بدري لحوارها وانا بفراشي بعد الفجر اراقب الحواره وعمرها شهرين وتوطى امها ويوم ما قدرت تقومها مثل الخلفات .. راحت للراعي وقامت توطى عليه لين قام وراح قوملها امها .. (((( سبحان الله)))
2_ كنت محيل من مكان لمكان اخر اثنا الربيع وبينهن 200 ك وفي اليوم الثالث درن الخلفات
العصر وانا من عادتي احرص على مكان الدرار في الرحيل للاسباب التاليه لانه عند المراح
فقدنا حوار حنت امه عليه متاخر ......بين ادرارها وهي اخر مره شفت الحوار فيها وبين مراحنا حوالي 10ك ورجعت لمكان الدرار وما لقيته بالظلما وامه تسري باليل واسمع صوتها ينقطع عني وانا بالفراش عقب ترجع وقبل الفجر سرت وابعدت ويوم صليت لحقتها ولقيتها في منتصف الطريق
ولقيت والدها في مكان اخر رضعه رضع فيها ...الغريب بالامر واللي اللحظه دايم ان الناقه لا ضيعت والدها تروح لاخر مره رضع فيها تلقاه لانه هو يجي بعد. للمكان لو بليل لو بعج الوعد مكان الرضعه((( سبحان الله اللذي الهمها الى ذلك )))... وهالسالف سولفوها عني ...
3_ من القصص التي شاهدتها بعيني اجتماع ثلاث انياق همل في راس حزم وجت كل وحده منهن من اتجاه وأخذن لهن عشر دقايق متقابلات ثم مشت وحده ومشن معها .. كنهن اتفقن على وجهه في هالعشر دقايق ((( سبحان الله))))
4_ القصه الرابعه والقصص كثيره ...هذا وانا راعي نياق من 15 سنه وشلون اللي لهم مع البل 50 سنه انا مع البل بالحره وجن ثلاث خلفات بكره لقيه همل بأخر الربيع وحلت بينهن وبين نياقي وحصل موقف لا ينسى جن الحيرا الثلاثه يبن حيراني ( كل سن لسنه ضحوك) وعند اقتراب الحيران لحيراني انطلقت اللقيه مسرعه يم خواتها الصغار وحالت بينهن وبين حيراني واخذت تدفهن براسها لين رجعتهن لمهاتهن والخلفات مستفليات بس موكلات اللقيه بمراقبة الحيران وقامة بدورها

وأسف على الاطاله والقصص كثيره شاهدتها في الابل فسبحان الله القائل ("أفلا ينظرون إلى الإبل كيف خـُـلـِـقـَـت؟"
الغاشية ، 17

عبدالرحمن الوهبي التميمي 18 / 04 / 2011 04 : 01 AM

رد: 100×100 قصة و قصة
 
انا سبق ومريت على ذا الموضوع لكن ما كان في بالي سالفة اقولها

ويوم الجمعة الماضية اتمشى بالبر ولقيت ثلاث خلفات مبركة

وحدة منهن شقحا عيونه تدمع

قالت لرفيقي اللي معي : الناقة ذي فيها شيء

شوي تقوم النياق ومن ظمنهن الشقحا راحية لمراحها

لقيت حوارها المسكين مكسور ويمشي على ثلاث ما يقوى يوطى على يده

عقبها عرفت سر دموع الخلفة

عاد قلت ابكتبها لكم لو هي اقل من السوالف اللي قالوها الاخوان


الساعة الآن 02 : 01 AM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009