قصيدة للشاعر زيدان البلوي وردها من ناصر الفراعنه السبيعي
 

هذي قصيدة وردها بين الشاعر زيدان البلوي والشاعر ناصر الفراعنه السبيعي :

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
مل قلب(ن) بين حـزه وحـزه=
يدك به تسعيـن غـازي وغـازي
غزو(ن) بعيـدان البلنـزا تغـزه=
وغزو(ن) تهزا في ضميري تهازي
هز القلم يـا معبـي الحبـر هـزه=
ينـز حبـره نـزة الارتــوازي
والشعر كـزه بالقراطيـس كـزه=
صدره وعجزه مشهين بالتـوازي
وحطـه بـزرف وزرفـه ثـم دزه=
لابن العزيز ومن رجال(ن) عزازي
دزه لناصـر جعـل ربـي يعـزه=
زيـزوم قـاف وللتماثـيـل رازي
قل له ترى زيـدان وقتـه يهـزه=
هز الهوى لعشوب روس النوازي
طيـر زمـان البيـن بطـه ووزه=
ورام العزا عنهم ولاهـو بعـازي
قلبـه زمانـه بالهنـادي يـحـزه=
وقام يتجزا مثـل لـوح القـزازي
كنه كثير الزيـن والزيـن عـزه=
ولازايد(ن) قربه ولاهـو بجـازي
زين(ن) على شط الجمـال يتنـزه=
حاز الجمال المغربـي والحجـازي
مثل الغـزال بغـرزة(ن) مبرهـزه=
يرعى الزهر مع مطفلات الجوازي
لو راحوا زيورخ وراحـوا لغـزه=
والزلفي المذكور مع بنـي غـازي
ماينلقـى بالزيـن حـي(ن) يلـزه=
ماخذ على الزين البديع امتيـازي
عفيف عن هرج الزلايـب منـزه=
منزه(ن) ماداس طـرق المخـازي
[/poet]
___________
______

زيـدان البلـوي

رد الشاعر ناصـر الفراعنـه
!
!





[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
لحظة بمـز مـن اشعـل اللـون مـزه=
قيـل العضيـض ادواه دم(ن) بـرازي
امـا اعتليـت رجومـهـا المقمـهـزه=
ولا خذيـت مـن الرجـوم احتـرازي
النفس مـن طـرد الهـوى مشمئـزه=
وطردن(ن) سوى مافات شئ(ن) نشازي
ضاعـت فلـزة معـدن(ن) فـي فلـزه=
والحـظ مـرة والـزمـان انتـهـازي
القلـب فــاح وزود الـفـوح قــزه=
وراسي خلقـه الله ضلـع(ن) نكـازي
مـن مـا نظـم زيـدان فزيـت فـزه=
ما فزها مـن حـس الاطـلاق جـازي
زيـدان عـزه يـازرق الريـش عـزه=
نسـل الرجـال مثقلـيـن الـمـرازي
زيــدان لايـحـرق حصـاتـه ورزه=
الزيـن واجـد والنصيـب انحـيـازي
زيـدان لـو بـدل حـريـره بـبـزه=
بلاه ظبـي اربـع ثـلاث(ن) لـوازي
ابـو جديـل(ن) عاتـقـه يستـفـزه=
كنه سبيـب اشقـر ملـوك(ن) ينـازي
اشقـر باسـم شقـران سلطـان لـزه=
ولولا اسمه اسم العود ما كـان فـازي
كـم واحـد(ن) حـب البنـي يستبـزه=
يلعـب بثوبـه كنـه الخـاز بــازي
زيدان قلبك كانه الغي وزه=
ابشر بفزعت حر ماهو ببازي
ارقـى سنـود وبيـرق الـحـرب رزه=
اقولهـا مـن جـد مـانـي بـهـازي
فـي ذمتـي يـادم عـرقـي لابــزه=
ان ماوزيت لـك الغضـي ليـن يـازي
واجيـه لـو عيـون ربـعـه تـخـزه=
واللي يصير يصيـر قـاز(ن) بقـازي
كانـه هنـاك فمـا يـطـول بنـجـزه=
هـذي دنانـيـري وهــذا جــوازي
وكانه هنـا بـس خـل عينـي تقـزه=
والله ان يجي ومـا لا يجـوز بيجـازي
يقطـع صبـي(ن) بـيـن الازوال رزه=
والـى بحثـت اقصـاه لاهـو خنـازي
_________________
________
الـشــاعــر : نـــاصـــر الـفـراعــنــه

[/poet]

الاخ فايز السحيمي البلوي




اتشرف بأن اكون اول من علق على هذه القصيده الأكثر من رائعه..

وبيض الله وجهك على هالقصيده.

تقبل تحياتي اختك شيهانة :)

يا هلا بك الشرف لي ان وقعتي في موضوعي

تحياتي لكي ودمتي بخير

الاخ/ فايز السحيمي

الاهنت يالغالي وبيض الله وجهك

عزالله انك كفيت وفيت وتسلم يمينك على عرض القصيتين

.................................................. ............اخوك.................................. .................................................. ........................

ارحب الله يحييك يا جاسم
تسلم على على الرد الحلو يا ذوق
وهلا بك

لاهنت يا فايز

وصح لسان البلوي

وصح لسان الفراعنة

موفق