|
متطلبات الابل السلام عليكم ورحمة الله وبركاته اخواني ياليت تفيدونا في متطلبات الابل من جميع النواحي... وهل يوجد فرق بين الابل العربيه والابل العمانيه تقبلوا خالص تحياتي أخوكم |
الأخ تركي القحطاني مرحباً بك بين إخوانك ياليت لو توضح ماهي المتطلبات التي تريدها عسى عمرك طويل على طاعة الله لكي يتسنى للأخوان إفادتك عن موضوعك وتقبل خالص تحياتي،،، |
الاخ تركي البل لها متطلبات واجد لا كن بذكر لك الاهم اولا واحد يساندك فيها... يعرف للبل وش الزين فيها ويختارلك الطيب ... وهذه اصعب شي ثانيا بعد الحصول على البل .. المكان المناسب .. وصراحه هو مكانين مقيض و مرباع ثالثا وايت ماء وتقدر تعبر نفسك مبدئيا بأي نوع رابعا راعي للبل ويكون عارف للبل ولا هوب راعي غنم والادجاج خامسا دورلك فحل من الفحول الطيبه .. اخي تركي فيه ابل استراليه وابل باكستانيه و افريقيه ومغوليه ولها سنامين وبعد البل تختلف حتى في السعوديه نفسها فيه شماليه وجنوبيه والعومانيات نسميها جيش ... وهي الحمر والبل كلها طيبه...لاكن الابل الي تعيش في الصحراء هي الافضل وهي العربيه على قولك وهي المجاهيم وهي سوداء ... والمغاتير وهي البيضاء اخيرا نعم هناك فرق كبير بين الاثنين ملاحظه : البل تحتاج الى عنايه بيطريه وغذا ءيه منتظمه كنها عيالك في عيونك واكثر لانها امانه .. تحياتي |
اعتقد ان ما يحتاجه الانسان لكي يكون من اصحاب البل الممتازه هو ( الهوايه ) حيث ان عندما تهوي الشي تبدع فيه وتعمل باخلاص ، يعني ان تكون من هواه البل ومحب لها وانا اعتقد ان هذا شي اساسي حيث ان البل متعبه جدا جدا وهمها كبير جدا ، وانا هويت البل واقتنيتها والحمدلله واحبها من كل قلبي حقيقه ، واتابع اخبارها واخبار اصحابها ، ومن ثم تحتاج الى شخص خبير يكون مستشار لك ، والعامل الجيد ، وان تكون صاحب ماديه جيده يعني ما تقول ( بكم ) ونتمنى للجميع التوفيق |
الله يعطيكم العافيه وبيض الله وجيهكم جميعا لاهنتو. تقبلوا خالص تحياتي أخوكم |
-------------------------------------------------------------------------------- الاخ تركي القدره الماديه اهم شي البل لها متطلبات واجد لا كن بذكر لك الاهم اولا واحد يساندك فيها... يعرف للبل وش الزين فيها ويختارلك الطيب ... وهذه اصعب شي ثانيا بعد الحصول على البل .. المكان المناسب .. وصراحه هو مكانين مقيض و مرباع ثالثا وايت ماء وتقدر تعبر نفسك مبدئيا بأي نوع رابعا راعي للبل ويكون عارف للبل ولا هوب راعي غنم والادجاج خامسا دورلك فحل من الفحول الطيبه |
اقتباس:
تحياتي |
والله ماقصرو الاعضاء سؤال آخر وهو مهم بالنسبه لي الا وهو كم تتراوح اسعار البل من( شينه\ متوسطه \ممتازه) ======= ابي رايكم... انا اعرف واحد عنده حوش حاط فيه ناقتين وحده منهم معها حوار ويفكها كل يوم ترعى وتمشى السؤال لو سويت مثل هالرجال ظنكم بانجح ولا لا. (اعذرونى على هالاسئله بس تخبرون توني مبتدي ) تقبلوا خالص تحياتي |
| الساعة الآن 12 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |