مرض الدبدبه
 

السلام عليكم رحمة الله وبركـاته

أسعد الله اوقـاتكم بكل خير


يا اخوان ياهل الخبره

اللي يعرف شي عن هذا المرض ياليت يعلمنابه وعن دواه


الكثير من ملاك الابل يعانون من هذا المرض الخطير . وسبحان الله مايصيب الا خيـار الابل .

والمرض من علاماته على المطيه ( تقصر خطا المطيه فالممشى ولا مشت تسمع طقطقت عضامها وقد تطيح المطيه وماتاكل ابد ولامشت رفعة راسها . وترتعد كلها )

والمطيه اللي يصيبها الوجع هذا بينه تنقد عليها

وحنا نعاني من الوجع هذا يجي البل شبه سنوي وينقي اطيها ويذبحه ولايطلع الا بعد مايقضي على 5 اقل شي وقبل 20 سنه ذبح ثلاثين من خيرة البل

وقبل سنتين ذبح قعود جارنا دوسري يقال ان قعوده يسام بـفوق المليون ..


الكثير من البدو يقول ان ماله علاج

وفيه شخص يقول كانت معي جذعه تعاني من هذا المرض وماخليت عنها ولا شي ولافاد ويقول مرني رجال وشاف البكره وقال وجعها الدبدبه قال راعيها ايه ويقول هو يروح ويجي ويجيب معه ابره محلولها اصفر وهو يضربها بالجذعه وعلى كلام راعيها انها طابت من عقب الله ثم هالابره وباعها بقيمة طيبه . ونشدناه عن الابره وعن اسمها قال والله ماعرف عنها شي الا ان لونها اصفر ولا اعرف الرجال اللي جاني




وانا ماخليت ولا بيطيري فالكويت والسعوديه مانشدته عن هالابره الصفرا :) ولالقيت شي


أفيدونا الله يجزاكم خير الجزاء ..




..

رد: مرض الدبدبه
 

ننتظر من اهل الخبره العلم الوكيد

بارك الله فيك وعليك ولا يخيب ضنك بحلالك ..

رد: مرض الدبدبه
 

الله يجزاك خيرر يامحمد

ولاهنت

..

رد: مرض الدبدبه
 

للرفع
....

رد: مرض الدبدبه
 

السلام عليكم جميعا اخوي عبدالعزيز الدبدبه انواع واكثر الناس يجهلها ولكن النفخ اللي في الناقة وين محله في زورها او في بطنها حدد اكثر ولو تصورها لنا وللمعلومية ناقه ابو دبه اذا فحمت واجد تموت ودمتم

رد: مرض الدبدبه
 

الافضل تجنب الدبدبه لانه كل مرضها من ارضها من ايام حرب الخليج ولاسمعت احد رتعت ابله بها وسلم لازم يروح له شئ والله الواقي لاكن بذل الاسباب مطلوب ووين الزراعه ماتسوي تحاليل للارض والمطيه بعد اصابتها وعمل التحاليل

رد: مرض الدبدبه
 

لاهنتوا جميعا ومامن داء الا له دواء بأذن الله

يالعتيبي الحالات اللي اعرفها وقد جت في ابلنا ترتعد الناقه وترفع راسها وراسها يرتعد بقوه وماتمشي خطوتين وتطيح

وان طاحت ماتقوم الا لين نقومها بالمكره
..
صدقت يا الحربي الزراعه نايمه فالعسل ياليت يقومون بعمل التحاليل اللازمه

لان الوجع هذا اقشر ومايذبح الا خيار البوش
..

رد: مرض الدبدبه
 

عبدالعزيز ارسلي صورة الناقة على جوالي 0509079035

رد: مرض الدبدبه
 

مرحبا يامشاري

ياربي لك الحمد الان البل طيبه وماعندي صور للي وجعن وماتن

..

رد: مرض الدبدبه
 

الله يعوضك خير ولايضر حلال المسلمين

رد: مرض الدبدبه
 

الله يجزاك خير الجزاء

واشكرك على تفاعلك الطيب

..

رد: مرض الدبدبه
 

السلام عليكم ورحمه الله وبركاته

انا اقولك يااخي حنا السنه الي طافت ناقه عندنا خيار من افضل روس الابل

وجاها هالمرض والشايب عزلها وكثر العلف عليها ويقرد لها امرح عندها فوق الاسبوع لا ابر ولا شي

وانا اقولك شد من امراحك ودور لك خد طيب وكثر العلف وخلها بشبكها وانشالله الله بيعافيها

رد: مرض الدبدبه
 

اخوي خذهالرابط يمكن تحصل شي يفيدك عن هالمرضhttp://www.al-abl.com/vb/index.php