|
البعير ما يبرك فوق الناقة من الذيبة السلام عليكم ورحمة الله وبركاته عندي بعير كبير في سنه هرش وفيه ذيبه اذا جاء يضرب ما يقدر يبرك فوق الناقة يأخذ عليها شوي وبعدين يروح عنها والذيبه فيه من قديم ويضرب ولا عنده مشكلة الا هالسنه ما ادري وش فيه مع العلم انه هايج وقافل ما يخلي البل تعدى الوايت اتمنى من عنده علم او نصيحه يفيدنا والله يكتب اللي فيه الخير |
رد: البعير ما يبرك فوق الناقة من الذيبة اقتباس:
عل الأخوان أصحاب الخبرة يفيدونا |
رد: البعير ما يبرك فوق الناقة من الذيبة وعليكم السلام ورحمة الله ياخوي أخاف أقول رأيي بصراحة وتزعل أو ماتقبله .. أبعد عنه النياق عنه يالطيب تراه بهيمة وهو يتعذب من هالمرض اللأم الذيبة .. وبين أن سن البعير كبير ومايتحمل التعب من الذيبة .. رأيي أنك تبعده عن النياق لين تعالجه او تخف عليه الذيبة .. تراه بهيمة ويتعذب ويشوف النياق ووده يضرب حاول أنك تبعده عن النياق لين يفتر وتحاول تطبب فيه... أنصح نفسي وإياك إن نخاف الله في هالبهايم أسأل الله العظيم أن يشفي بعيرك .. ويعوضك خير منه |
رد: البعير ما يبرك فوق الناقة من الذيبة اخوي / فراج البقمي السلام عليكم ورحمة الله وبركاته : بإختصار الذيبه ما لها علاج بيطري وبعدين تلحق على البعير وتذبحه !!! ولكن لها علاج شعبي ومن رجال اهل معرفه بالبل من خلقتهم وهم معها ومجرب اكثر من اربعين مره !!! وهو (تكوى عتاري البعير بثلاث رقم مطاول من اليمين ومن اليسار) والله على ما اقول شهيد ... ولا تنسونا من خالص دعائكم ... |
رد: البعير ما يبرك فوق الناقة من الذيبة علاج مجرب وناجح بأذن الله تعالى (راجع نفس الموضوع للاخ عيد المنصوري) أبرة بنتوسان (زجاجة صغيرة 4 ملم) صناعة استرالية تعطى للخيول لعلاج الأعصاب تستعمل في اللحم 4 مرات كل اسبوع ابرة (الأبرة تكون الزجاجة كاملة) سعر الأبرة في الأمارات 180درهم ولا تنسونا من خالص دعائكم |
رد: البعير ما يبرك فوق الناقة من الذيبة سعد عبدالله كلامك صحيح بس البعير السنه اللي راحت يضرب والذيبه فيه ولا عنده مشكله الا هالسنه والبعير منتج وهذا اللي خلاني اصبر عليه ناشي شرار بيض الله وجهك وما قصرت ولك دعوه في ظهر الغيب علي احمد الغنامي بيض الله وجهك وما قصرت وجعله الله في موازين حسناتك |
رد: البعير ما يبرك فوق الناقة من الذيبة dexaphenylarthrite عط البعير لمدة ثلاث ايام وهده اذا كان القصد فقط للضراب |
| الساعة الآن 05 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |