|
الظلم سببه لجنة تحكيم . السلام عليكم ورحمة الله وبركاته أخواني أعضاء المنتدى للكل من يقراء موضوعي هذا أتمنى يكون أقتراحي مفيد طبعاً جميع اهل الابل المشاركين مظلومين ما عدى اللي ياخذ الاول على مستوى الالوان الابل . واذا سألت صاحب الابل قال ذا مو مركزي بس للجنة هي سبب . واعضاء الالجان بشر والبشر كهلم مو معصومين من الخطأ ولكن اللي يخلينا نقول السبب هي لجنة الاحتكام او تحكيم .. أسباب كثيره .. اولاً : اهل الابل هم اللي يختارون لجنة تحكيم وخاصة اهل الابل فئية 100 يتصلون ويقولون نحن نزكي فلان من الناس ولابد يكون فلان من الناس في لجنة تحيكم .. ثانياً : المختارين من ملاك الابل لابد يردون الدين اللي رشحهم للتحكيم لذا صوتهم وترشيحهم رايح يكون لصاحب الفضل في ترشحيهم .. طبعاً أقتراحي .. لماذا لا يكون أختيار لجنة تحكيم سري ولا احد يدري عن المحكم من يكون ويتم ألاختيار بسريه حتى ينتهي المهرجان .. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: الظلم سببه لجنة تحكيم . هلابك عبدالله وبالنسبة مثل ماقلت (لجنة تحكيم سرية) |
رد: الظلم سببه لجنة تحكيم . اقتباس:
هلابك ماجد فعلاً لابد تكون سرية وأهم شي ملاك الابل مالهم دخل في أختيار لجنة التحكيم مو من المعقول كل مالك أبل من كل قبيله يختار له عضو .. لا هنت يا ماجد |
رد: الظلم سببه لجنة تحكيم . مرحبا ابو نافل فعلا المفروض يكون بطريقه سريه ومن جميع القبائل ويكون من الامير ابن جلوي واكيد انه يعرف من اصحاب النظر والذمه والمؤهلين يكونون باللجنه والمفرووض يبعدون ملاك الابل من اللجان كلها ماهو مثل اللي نشوفها مالك ابل ومشارك وينافس ويجي في لجنة الفرز والتشبيه اكيد بيجي شوشره وصارت قبل وصارت المزاين هذا اي مالك ابل او اخو مالك ابل يبتعد عن اللجنه نهائيا ومشكور على الموضوع يابونافل |
رد: الظلم سببه لجنة تحكيم . اقتباس:
هلابك يا ابو نايف وهلا بحضور الجميل منذوا بداية ام رقيبه وسلبيات لجنة التحكيم موجوده والمشكله لم تغير لحد ولم يوجد الحلول لها ... ولكن الشي اللي يرفع الضغط حين يتصل زيد من الناس ويقول انا ابي فلان او با الاصح انا ارشح فلان من الناس في لجنة ولا ارضى الا به أذن مالك الابل اللي رشح فلان فلان ما رايح ينسى الجميل ويصوت للابل غير وصارت في لجنه السنه ذي تم تنزيل احد اعضاء لجنة من مالك ابل وتم ترشيح اخر على حسب ما طلب مالك الابل لابد يكون فيه الاليه في اختيار لجنة تحكيم ولابد يكون الاعضاء المختارين من قبل رئيس لجنه محد يعرفهم نهائي ويتم تحكيم في السريه وحين تدخل الابل يحلف صاحب الابل عند لجنة العدد والون ثم يطلع ينتظر ابله في الجه الثانيه ويتم تحكيمها سري بداخل والعضو اللي يفصح عن نفسه ويقول انا في لجنة تحكيم يحط له جزاء الرداع .. هنا رايح يكون فيه مصداقيه ورايح يكون فيه نوع من العدل تحيتي لك ابن عصاي |
رد: الظلم سببه لجنة تحكيم . اخوي ابونافل الجمهور هو الي يحكم بعيد عن العنصريه ولو تلاحض التصويت تلاحض النتيجه حول اللجنه اذا ماهيب زيها والي مايرضى بالنتائج يريح نفسه ويريح ربعه وكل الرياجيل حالفين على المصحف يعني الله الله سبحانه مايرضي المشاركين تقبل تحياتي |
رد: الظلم سببه لجنة تحكيم . اقتباس:
لاهنت يا عمروكلامك اقرب للصواب وكل واحد عارف نفسه وعارف مركزة ولكن هذه مجرد اعذار لعدم الاحراج لان الناس ينتظرون منه الاكثر هذا المالك . اما بالنسبه للجنه------ فلا اعتقد لجنه حالفه على القران وتحكم امام الله عزوجل وامام العباد ودول الخليج فلا اعتقد رايح يضيع سمعته من اجل فلان او فلان ويعدم ثقة الامير / مشعل اللذي كلفه بهذه المهمه ولك جزيل الشكر على هذا الموضوع. |
رد: الظلم سببه لجنة تحكيم . وعليك السلام ورحمه الله وبركاته بنسبه الى عضو لجنه التحكيم قبل ان يرشح يجب ان تنطبق عليه ثلاثه شروط وهي 1- صادق مع ربه قبل الناس 2 صاحب نضر وخبره في البل 3 شخصيته تكون قويه ولا يثر عليه احد من اللجنه الكل يخطي من ملاك البل المشاركين واعضاء اللجنه واكبر دليل كلمه صاحب السمو الملكي الامير مشعل بن عبد العزيز حفضه الله في الحفل الختامي لمزاين ام رقيبه لعام 1429 (هناك من حلف عل يمين القاموس وخان العهد) وهم من اعضاء لجنه التحكيم وفي من ملاك البل المشاركين تكون خبرته في البل قليله وعنده وكلاء يشروله ويجونه من الناس المسترزقه ويقولون له ابلك بتاخذ الاول وان ماخذت اللجنه ضلمتك ويروح ويشتكي ويطعن في اللجنه ويقول ضلموني والرجال اللي عنده خبره كافيه في البل عارف ترتيب ابله من يوم تعرض على اللجنه والواضح ان الخطاء مشترك بين بعض من ملاك البل وبعض من اعضاء لجنه التحكيم واما السنه ذي احمل الخطاء كله على لجنه التحكيم لتسرب الناتيج وانا واصلتني نتايج الوضح والشعل والصفر في جميع الفائات والفردي ونتايج معتمده ورسميه كل سنه الها ضروفها والخطاء مقسمه |
| الساعة الآن 24 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |