|
اهل الفزعه السلام عليكم انا رجال الحس مخه مع مراقب منتداكم مال من الحضاره وغثاها والله اني متعلم تعليم عالي بس ما لله حببلي في الزحمه والدومات وبي ابدي ان شا الله بشرا ابل مجاهيم سود غرابية ومعي حدود الخمسين علمن اني الحين برا المملكة وخوكم طيرن مبرقع فعلوم الابل الله ياهلها لاتبخلون بنصح لي ترا محد ولد ومعه علم كلكم تعلمتو ونابشتري بس مودي انغش ونا داخل علاالله ثم عليكم النصح وتراي من هل الشرقيه دلوني وبشرو والله بدعا السحار الي ان شا لله ماتخيب سهومه |
رد: اهل الفزعه مرحبا يا شجاع هذا مش مكان الاستشارة ونتمنى نقله موقع الاسئله اما عن المشترى فبإمكانك اي ناقه تصلح لك تستفسر عنها اذا كانت داخل الموقع او خارجه واذا كانت خارج الموقع صور الناقه واستفسر عنها في موقع الاسئله والاستشارات وانشاء الله تلقى الاجابه الشافيه وتسعدنا عضويتك وحياك الله شكرا |
رد: اهل الفزعه خمسين ممكن تجيبلك 7 وفحل بس عاديات لاكن انكنت تبي اشور اشتر 7 وقرب عند رجال طيب عنده فحل كفو يقلب ابلك وستمر لين تطلع فحلها منها |
رد: اهل الفزعه يالعبدلي .. الله يحييك في منتداك وبين ربعك .. لكن بداية العلم مافهمناهـ !! أما من ناحية أنك تبي مجاهيــم .. وانت من اهل الشرقيـه فأكرم وانعم البل عندكـ فالشرقيـه .. دوّر لك رجالً تاثق بنظره .. وذمته .. واشر على يده والله يكرمك .. ( كان مالك خبره ) لكن والله ان المبلغ اللي ذكرت مايجيك بشي وانا اخوك .. والله يرزقك من واسع فضلــــــه ... ............. ومثل ماقال ابو شهـاب حنا فالخدمــــــــــه ... ............ أخوك |
رد: اهل الفزعه يا شجاع البل المجاهيم الطيبة و الي أسعارها وسط تلقاها في القصيم ناس واجد شروا ب10 و 20 الف و باعوا في الجنادرية و أم ارقيبة على 50 و 70 ألف حتى أن بعضهم سودانيين و انشاء الله تلقى الطيب |
رد: اهل الفزعه الله يبيض وجيهكم ومانخلى وذا حد عنده زود لايبخل |
رد: اهل الفزعه خذ رقم الرجال ذا في سوق الحسا بأذن الله بتشوف اللي يسرك بأذن الله سواء في طيب المشترى والاسعار المناسبة اللي بتلقاها عنده اسمه طالب راشد المري من ال فهيده أنا لي متعامل معه 4 سنين والحمدلله رجال بأذن الله نحسبه من أهل الخير ويخاف الله في البيع والشرا وهذا رقمه 0503926024 |
| الساعة الآن 25 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |