منتـديـات مــزايـن - موضوع بخصوص تطوير الانتاج

منتـديـات مــزايـن (http://www.mzayan.com/vb/index.php)

- خيمة العلوم والأفكار التطويرية للابل (http://www.mzayan.com/vb/forumdisplay.php?f=184)

- - موضوع بخصوص تطوير الانتاج (http://www.mzayan.com/vb/showthread.php?t=32742)

موضوع بخصوص تطوير الانتاج

السلام عليكم ورحمة الله وبركاته

اولا احب اتكلم عن موضوع في الابل وهو مهم جدا وله عدت فوائد

الا وهو (الفحول المنتجه) .....و (الانتاج نفسه سواء بكره او قعود)

نبدى بالموضوع خطوه خطوه

انا اخوكم عايض من ملاك الخيل العربيه الاصيله ... والشايب الله يرحمه ويسكنه الجنه عنده ابل ويتعب عليها وعقب وفاته رحمة الله عليه وقفت فتره عند الابل انا واخواني فبدت الابل تدخل في قلبي خطوه بخطوه واصبحت هوايه من هواياتي ايضا ...

جاي الموضوع... شوي .... لا تستعجلون...

المهم ياطوال العمار على الطاعه انشالله

الحين عندنا في الخيل الاصيله يوجد شي يسمى فحص DNA وهو يحدد الام والاب ويصرف لها شهادة نسب مرفق فيها اسم الاب والجد واب الجد الخ فوائده:

1.. يعرف لنا الراس وش ابوه وش امه ومواليده ايضا واي صفه فارقه مثلا للتميز.

2: يعتبر شي اثباتي اذا كان الاب والام معروفين في الزين يعني ولهم شهره واسعه

3: يميز الابل اذا كان عددها كثير ويحفظها باسمائها حتى اذا انتجت يصرف لانتاجها شهاده مذكور اسم الاب والام وحتى انتاج انتاجها وهكذا

وفوائده عده لاتحضرني الان.

طريقة هذا الفحص يوخذ عينه من الاب والام والعينه عباره عن شعر فقط ويحلل لها بصمه وراثيه وتسجل في دبي مقر الفحص طبعا الان الاب مسجل والام مسجله عقب ذلك اي انتاج من نفس الاب والام يوخذ عينه منه فقط وترسل لدبي برسوم بسيطه وتصرف شهادة نسب

فالموضوع صراحه مهم ويفيد مستقبلا عندنا في له فوائد عضما جدااا ولاحد يقدر يزور فيه لانه فحص حمض نووي

خلصنا من الموضوع الاول نروح للثاني الا وهو الفحول المنتجه

الان اصبحت الفحول المنتجه حلم كل مالك ابل ويتمنى البعير المنتج ولو ساعه يكون عند ابل ..... طيب وش رايكم لو البعير هذا اللي انت متمنيه او ودك انه عندك شرايك بطريقه حلوه وسهله
تخلي ماء الفحل يكون عندك متى مااحتجته .... عساكم معي وفاهمين ... انقول انشالله...

الحين الخيل المنتجه ياخذون السائل المنوي منها اعزكم الله ويخزن في انابيب مجمده وتحفض حتى لو خمسين عام شي خيالي طبعا لا صدقوا تراه شي عادي وسهل في عالم الخيل

المهم الحين اذا فيه بعير منتج ياخذون سائله ويخزن في اماكن خاصه وتكون الانبوبه كافيه للقاح ناقه واحده وتدرون كيف تتم العمليه اي صيدلاني يقدر يسويها يعني يدخل على الناقه ويفرغ الانبوبه وان شاءالله اسبوعين والناقه معشر وسلام عليكم

الموضوع وما فيه اهل الخيل صار لهم مايقارب 7 الى 8 سنوات شغالين على النضام هذا ومسهل الوضع لهم

واللي صدمني اكثر ان اهل الابل اكثرهم منعم الله عليهم وناس يدفعون والله اهل الابل اكثر مال من اهل الخيل

وترى الشغله ذي بتخدم جميع الابل وبشتا الوانها

خلونا ايد وحده ولازم الموضوع هذا ياصل كبار الملاك والداعمين لهذا الارث الطيب كي يرتقي نحو مستقبل واعد انشالله

تخيل بكره عندك ناقه وودك اتضربها من بعير بعده عنكد 2000 كيلو ولا وعليه اسرى بالهبل .. وفي غضون ساعات الا الماء حقه عندك وترفع التلفون على الصيدلاني يدخل على الناقه

ولا ازيدكم من الشعر بيت ترى اضراب البعير الطبيعي لو جعل في انبوبه تكفي خمس من الابل يعني ماراح يتعب البعير

وشغله ثانيه ترى التقليح هذا يمنع انتقال الامراض

واي استفسار انا جاهز الموضوع اذا حصل دعم مادي ومعنوي راح يفيد الكل

اخوكم عايض المهان