|
الزوار والاعضاء بشكل عام والدواسر بشكل خاااااص مسى وصباح الخير للجميع. يالربع ودي انشد عن بعير كان يذكر عند راشد بن هادي بن زابن الدوسري وش صار عليه وهل لاحد علم فيه وكيف البعير في طيبه وان كان فيه صور له او ادنى علم لايبخل به احد لان حسب علمي البسيط انه باع ابله من دون الفحل وانا والله لاشفت ابله ولا فحله فاتمنى انكم تفيدونا لا هنتم .... ورحم الله والدينا ووالدينكم عن النار |
رد: الزوار والاعضاء بشكل عام والدواسر بشكل خاااااص السلام عليكم البعير باعه مع اماته واللي شراه سمعت انه بادل به ابل حول عشر من البل اذا ماني غلطان |
رد: الزوار والاعضاء بشكل عام والدواسر بشكل خاااااص يامرحبا بك ياشباب ومرورك ومشاركتك شرف لنا لكن انا ودي اعرف العلوم عن البعير ساسه الاصل من وين وهل جى عليه انتاج فاخر لانه حسب ماسمعت انه جى عليه اسوام تعدت المليون هذا قبل يبيع ابله بمده وشاكر لك ياشباب ولكل من يثرينا واخواننا بالمنتدى بعلوم واخبار وفوايد تفيد الجميع |
رد: الزوار والاعضاء بشكل عام والدواسر بشكل خاااااص يامرحباااااااااا يابو عزوز الله يحييك .... اصبر لا تعجل وانا اخوووووووك أغلب الدواسر عند اباعرهم اليوم الناس معطله وابشر بالعلوم اللي تسرك بإذن الله |
رد: الزوار والاعضاء بشكل عام والدواسر بشكل خاااااص مرحبا اخوي اظن البعير عنده وماباعه وهذي صورة احدى بناته موجده عندنا http://mzayan.com/mlffat/index.php?a...etfile&id=4489 |
رد: الزوار والاعضاء بشكل عام والدواسر بشكل خاااااص البعير باعه مع ابله على ابن خويطر في سوق الوادي وابن خوير باعه على بن طامي الودعاني بعشر من البل وهو موجود عندهم شمال الوادي |
رد: الزوار والاعضاء بشكل عام والدواسر بشكل خاااااص اقتباس:
وجيتك ومرورك عز الله انه يسعد الخاطر ويشرحه اما العجله ابشرك مامن عجله بس بغيت ابين لاخونا شباب وش مرادي بالنشده والا خابر ان الدواسر نعم الشوارب والله ماهم يذخرون شي ابد ولاهو انا اللي بقيمهم مظهرتهم فعولهم الطيبة من دون قصور بالجميع ارجع واشكرك واتمنى دوام الازدهار لهالمنتدى الشامخ اللي والله استفدنا منه الشي الكثيررررر |
رد: الزوار والاعضاء بشكل عام والدواسر بشكل خاااااص يامرحبا تقفاها مرراحب بكم يالاخوان وبيض الله وجهك يا اخ احمد على المعلومه وعلى الصوره واذكر ربي مليون واقول ماشاء الله تبارك الله عز الانتاج والله جعلها تبارك ومن معها واشكرك ياشباب على الحرص وتقفي المعلومه وهذا ما جى الا من طيب هالراس وفزعته لكن على قولتهم اختلف العلماء ... وانا ودي زود باللي تكفى يصيد لنا اي صوره للبعير ارجع واشكركم وجعلكم ما تهانون وبيض الله وجيهكم |
رد: الزوار والاعضاء بشكل عام والدواسر بشكل خاااااص الله يخلف على بو هادي بالبركه ويرزقه من واسع فضله .. اللهم آمين حسب اللي سمعته باع قعيدان مع اماته واللي شرا البعير باعه بـ 500 الف وفوفها 15 ناقة طيبه وسلامتك |
رد: الزوار والاعضاء بشكل عام والدواسر بشكل خاااااص اقتباس:
وانت سالم وغانم ياخوي فهد امين الله يرزقه ويعوضه دنيا واخره ونشكرك على هالمعلومات والمتابعه واللحين اختلفت وكثرت الروايات ننتظر الخبر الوكاد وبيض الله وجه كل من رد وحرص انه يعطينا ماعنده من علوم |
رد: الزوار والاعضاء بشكل عام والدواسر بشكل خاااااص اقتباس:
وبالنسبة لانتاج البعير فأشهر انتاجه الوجيهه باعها ظافي بن برجس بمليون على سعد بن عبيد البريكي وشاركت البكرة في مزاين ابن شقران تحدي وأخذت الاول وشاركت معنا في مزاين الجذاع واخذت الاول وأما بقية بكارها فكثيرة منها 3 بكار باعها ابو هادي في الظفرة ب 600 ألف وباع ايضا 3 بكار ب 400 الف على الربيعي وشرى سعد بن عبيد بكرة ب 200 الف وابن هذال كذلك بكرة ب 150 الف وابكار كثيرة حول هذا السوم أتمنى أني وفقتك في طلبك |
رد: الزوار والاعضاء بشكل عام والدواسر بشكل خاااااص هلا بك يابو محمد وعز الله ما قصرت كفيت ووفيت وبيض الله وجهك ومازلت انتظر مزيد من الصور لقعيدان او اي شيء من انتاجه واشكرك واشكر الجميع والله يجزى الجميع بالخير |
رد: الزوار والاعضاء بشكل عام والدواسر بشكل خاااااص هذا قعيدان بعير راشد بن هادي بن زابن وهذا قعيدان وانتاجه في الظفره http://www.youtube.com/watch?v=XZ_OOZjldLY |
رد: الزوار والاعضاء بشكل عام والدواسر بشكل خاااااص يامرحبا يابو فالح ونورتنا بهالطلعه جعلنا ما ننحرم من شوفك ولا هنت يالذيب على المقطع وبيض الله وجهك ورحم الله والدينا ووالديك وكل مسلم عن النار |
| الساعة الآن 56 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |