|
تعااالواا يالربع نتناقش ونفيد الجميع ،،، ونطلع بنتايج نهائية بسم الله والصلاة والسلام على رسول الله فيه مقولتين او عادتين منتشرة عند بعض اهل البل ودنا نتناقش وكل ذي خبرة يعطينا رايه بتجربته او بخبرته ومدى صحة هالكلام ومدى واقعيتيه الاولى / ان الفحل ما ينظر لأول انتاجه والثانية / ان القعود اللي يصير بكر امه مايفحل حتى لو الساس والام طيب (وهالنقطه بالذات ودي نسلط الضوء عليها) والف شكر لكل من يتفاعل ويعطينا من خبراته و يفيدنا ويفيد الجميع |
رد: تعااالواا يالربع نتناقش ونفيد الجميع ،،، ونطلع بنتايج نهائية |
رد: تعااالواا يالربع نتناقش ونفيد الجميع ،،، ونطلع بنتايج نهائية الاولى / ان الفحل ما ينظر لأول انتاجه كثير فحول انتاجها الفاخر في بدايته وفي ايضا تاليها على حسب التفحيل |
رد: تعااالواا يالربع نتناقش ونفيد الجميع ،،، ونطلع بنتايج نهائية بيض الله وجهك يافلاح وعز الله ما قصرت انا ماكنت ادرى انه قد تم النقاش فيها لكن حبيت اثيرها لانه كثير من الناس لها وجهات نظر مختلفه وحبيت نطلع بكلام مقنع للجميع من واقع العلم المشترك بالخبرة المشترك بالتجربه |
رد: تعااالواا يالربع نتناقش ونفيد الجميع ،،، ونطلع بنتايج نهائية مرحبا بك اخوي خالد وشكرا على المشاركه والشكر موصول للاخ فلاح الرشيدي للتوضيح |
رد: تعااالواا يالربع نتناقش ونفيد الجميع ،،، ونطلع بنتايج نهائية اقتباس:
يامرحبا بك يامشرفنا الغالي واشكرك على المرور والاطراء والشكر موصول لاخونا فلاح وماقصر ومازلنا ننتظر التفاعل والإفادة من اخواننا بالمنتدى |
رد: تعااالواا يالربع نتناقش ونفيد الجميع ،،، ونطلع بنتايج نهائية اخي الحبيب انا اقدر واحترم خبرة الباديه وخاصة في امور البل ولكن اذا تعارضت مع العلم فالعلم اولى بالاقتناع هذه جينات وراثيه جعلها الله لحفظ النوع والصفات والجينات ثابته في الفحل ولا تتغير في اول هداده او في اخره وهي مخزون الصفات الوراثيه لانتاجه وكذلك الامر لولد البكر ولكن هناك سبب قد يمنع من تفحيل ولد البكر وهو الجرم لان ولد البكر احيانا مايكون جبر بالشكل المغري بتفحيله مع العلم اني شفت فحول هايله في الزين والجبر وامهاتها اباكير تقبل تحياتي |
رد: تعااالواا يالربع نتناقش ونفيد الجميع ،،، ونطلع بنتايج نهائية اخوي أود أن اشكرك على طرحك الجميل الاخوان ماقصرو ولكني احب ان اضيف ان الفحل المشهور وحيدان بكر امه ايضاً الطعم فحل مرزوق الكربي |
رد: تعااالواا يالربع نتناقش ونفيد الجميع ،،، ونطلع بنتايج نهائية مرحبا خالد لاهنت على الموضوع الطيب النظريه الاولى انه الفحل ماينظر لاول انتاجه ربما تكون صحيحه لبعض الفحول فيه فحول انتجت من اول سنه وفيه فحول بعد ثلاث جولات بدا يزين انتاجه انا اعرف لي فحل هده راعيه اول سنه انتاجه عادي وثاني سنه ايضا عادي وثالث سنه اضرب بعض البل وانتج نوادر واشتهر ومسكوا الناس عنده سرا النظريه الثانيه ولد البكر انا اعتقد نظريه انه مايفحل لان جرمه يكون صغير مايصير مثل ولد الفاطر اما من ناحيه اخرى ماعتقد يضره بأي شي وأكبر دليل وحيدان ال جهيم من افضل الفحول المجاهيم وامه بكر |
رد: تعااالواا يالربع نتناقش ونفيد الجميع ،،، ونطلع بنتايج نهائية يامرحبا بالجميع ووالله اني سعيد بتفاعلكم مع الموضوع وفرحت بهالاسماء اللي تداخلت واثرت النقاش وافادتنا بصراحة.... وانتم الان وصلتوا للنقطة اللي كنت ابي اوصلكم لها واللي هي .. اذا افترضنا ان ولد البكر جرمه طلع صغير وتم تفحيله هل الانتاج يتاثر بجرمه وصغرة ويكون تاثير صغرة باين في انتاجه والا انه ينتج بسره واصله وعرقة من الاساس... طبعاً كلنا نؤمن ان هالامور بيد الله سبحانه وكلها غيبيات ولكن نتكلم عن امور علمية وتجارب وخبرات .. الصراحة اشكر الجميع واتمنى التوفيق والرحمه للجميع |
رد: تعااالواا يالربع نتناقش ونفيد الجميع ،،، ونطلع بنتايج نهائية بارك الله فيكم يلعلم الله ماكان قصدي ان الموضوع مكرر كان قصدي اني اعطيكم الرابط وافيد في تشعيب والموضوع خاصه اني كررت وشاركت بالموضوع في رايي واتمنا الابتعاد عن المقولات القديمه ان الفحل ماينتج من اول طرح بالعكس فحل خالي عبدالله الخنفور اول طرح له فاخر جدا وصحيح ان بالمستقبل يطرح افضل بس هو هو على حسب سر الناقه وعندكم حشار بالموقع شوفو هنا http://www.mzayan.com/vb/showthread.php?t=32682 |
رد: تعااالواا يالربع نتناقش ونفيد الجميع ،،، ونطلع بنتايج نهائية يا مليون مرحبا بك ياخوي فلاح ماني مجبور على الحلف ولاني محدود عليه .. لكن والله اني ماجى ببالي فكرة انك تقصد تكرر الموضوع وعدم الفايدة واني خابر ان مقصدك تفيدني و تفيد كل من يمر على الموضوع .. ولا خلا ولا عدم منك ومن خبراتك ومن مثلك يعتبر علم نستفيد منه دون قصور في باقي الاخوان وانت طيب ومانشوف منك الا الطيب وبعيدن عن الهقاوي الناقصة... اشكرك جزيل الشكر واتمنى لك دوام الصحه والعافيه .. اخوك / خالد بن عبدالعزيز الخالدي |
رد: تعااالواا يالربع نتناقش ونفيد الجميع ،،، ونطلع بنتايج نهائية الاخ خالد والكلام للجميع اول شي الناقه البكر هل كل بكرٍ غيرها تساوى هي وياها بالطول - جل العظم - شقتها - عمرها ؟؟؟ طبعا الجواب بيكون لا بدون جدال , فيه بكر تشره على عمرها وفيه بكر عمرها عمر فاطر وشقتها شقت فاطر من زود غلاها وهذي اللي ما فيه مانع انك تفحل ولدها وان جاتك البكر اللي باقي ما ظهر عونها ولا ااستوفت غلاها ابعد من ولدها ولا تفحله .. وثاني شي يا طوال العمار الفحل هل يبدا ينتج بعد برقه الاول اصابعك ماهيب سوى في فحول برقها الاول فردي وبرقها الثاني فردي وكل برق ينتج فردي وفيه فحول ينتج برقه الاول عادي وكل ما تقدم عمره بدا يطرح الفردي اتمنى اني ابديت عليكم ما يفيدكم وعندي كلام اكثر شموليه بخصوص هذي المواضيع لكن اعذروني وقتي ضيق |
رد: تعااالواا يالربع نتناقش ونفيد الجميع ،،، ونطلع بنتايج نهائية ياهلا بك ياخوي ناصر وعز الله انك شرفتنا ونورتنا وافدتنا جعلك تحيا ومنك ومن باقي الاخوان الطيبين نستفيد ... وحنا وياكم وصلنا لنقطة اللي منها ودنا نوصل للنقطة الثانية واللي ذكرتها بالرد السابق واللي هي تاثير الجرم في الانتاج يغلب والا السر يغلب اذا افترضنا انه ولد بكر وجرمه صغير اتمنى اننا نستفيد منكم يا اخواننا ويستفيد الجميع ... والله يجزى الجميع بالخير .. ونسينا نبارك لاهل الديار الممطورة والله يجعله نازل بالبركة وجعله متبوع ولاهو بقطوع |
رد: تعااالواا يالربع نتناقش ونفيد الجميع ،،، ونطلع بنتايج نهائية الاخ خالد صباح الخير اتفق مع ما قاله الاخوان وبالاخص ما سطره الاخ حاتم العماري فالصفات الوراثية لن تختلف في البكر عن الفاطر كما انه بكل تأكيد ان اهل البل الاولين لا يحرصون على تفحيل ولد البكر ليس لشيء سوى ان الحجم يكون اصغر من ولد الناقه الكبيره ولكن هذا في زمانا مضىء اما اليوم وقد توافرت الاعلاف والاغذية المدعمة بأنواع الفيتامينات ناهيك عن الاهتمام الزائد به من الناحية الصحية للامهات والمواليد يجعلك لا تهتم ان كان ولد بكر والا ولد فاطر من تلك الناحية (الحجم) اهم شيء برئيي ان يكون ذو صفات طيبه من الناحيتين الاب والام واذا توافر ذلك هد و ترجى الله في الانتاج الفاخر وتقبلوا تحياتي |
| الساعة الآن 06 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |