|
يا مطاليق الأخ (( وافي بن مليح )) يبي فزعتـــــــــــــــــــــكم ياللي عندكم علم .. اذا درت المطيه هل الصرار يمنع نزول الحليب في الوخر او لا ؟؟ عندي لقحه بتلد بعد ايام بنتها العام ماقدرت وخرها الا بعد اربعة شهور وكنا نحلبها كل مادرت خوف على ديدها من التدحل واتعبتنا طبعا انا امنع عنها البرسيم ومخليها على التبن وانتم بكرامه وقلت يمكن الصرار هو الحل الوحيد ؟ |
رد: يا مطاليق الأخ (( وافي بن مليح )) يبي فزعتـــــــــــــــــــــكم ياللي عندكم عل سؤالك يا غالي طرحته هنا وبيجد صدى و مجيب بإذن الله من اللي عندهم خبرة فيا خبراء ودكاترة أجيبوا لتفيدوا وبارك الله فيكم أما عني : إن كان معنى سؤالك إن الحوار بيكون هجال على أمه وتبي تصر مواخيرها و بتظل مصرورة دوم عشان ينغرز حليبها وتبقى المقاديم لهجه للحوار فالله العالم يا وافي لكن بتجد لسؤالك حل والأخوان إللي بالمنتدى ما يقصرون بالفود عسى ربي يجملهم ويبارك في المنتدى تحياتي والسلام ختام |
رد: يا مطاليق الأخ (( وافي بن مليح )) يبي فزعتـــــــــــــــــــــكم ياللي عندكم عل ابيض وجه ياعالي والله لايهينك نعم تفسيرك صحيح راح اخلي الحوار هجال على امه |
رد: يا مطاليق الأخ (( وافي بن مليح )) يبي فزعتـــــــــــــــــــــكم ياللي عندكم عل الحل بسيط شمل الوخر وخل المقادم ومع الوقت تتغرز وخرها |
رد: يا مطاليق الأخ (( وافي بن مليح )) يبي فزعتـــــــــــــــــــــكم ياللي عندكم عل مثل ماقال أبو راشد لكن انتبه لأمر مهم وهو إنك ماتلمس المواخير بحليب ولا برضاع وشملها على طول من ساعة تلد على شان تغرز بسودها لكن اذا حلبت منها أو رضعها الحوار بتتعبك في غرازها وسلامة الجميع |
| الساعة الآن 32 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |