|
الفزعة يا النشاما السلام عليكم ورحمة الله وبركاته عندي مشكلتين في الأبل الأولى : عندي أحواره عمرها 55 يوم من يوم ولدت وهي تعبانه ضامر ورضاعها خبل وحركتها بطيه تتبع امها وتخنسع في مشيتها إذا جيت امسكها ترغي وتطرح عمرها على الأرض ماشفت فيها شي ظاهر لا نزي ولا خملا وخيرتني وهي والله غالية عندي بالحيل عطوني الرأي الله يوفقكم الثانية : ناقة خلفة جاء في لحيها اللي تحت الصرر وهو زي الخراج يمعل وعي أكرمكم الله حلقت عليه بكويه تحسن الوضع اشوي لكن بدأ الوضع يرجع زي اول في عندكم حل أعطوناه وفقكم الله هذي أول مشاركة لي لكن أنا متابع معكم لي سنتين وفقكم الله يا أهل الفزعه والشهامه |
رد: الفزعة يا النشاما حياك الله وإنشاء الله يفيدونك الاخوان |
رد: الفزعة يا النشاما محمد بخصوص الحواره فتش علي سرها يمكن فيه دود عجل وعطني الخبر عقب ماتشوف |
رد: الفزعة يا النشاما أبقاك الله يا عبدالرحمن الليلة أجيبلك العلم يا بن غانم والله يجزاك خير |
رد: الفزعة يا النشاما 1 مرفق الحوارة مالقيت فيها شي يا ابن غانم ألا أن أذنها لقيت فيها زي الجروح وصورتها هذي هي http://www14.0zz0.com/thumbs/2011/01.../492200679.jpg |
رد: الفزعة يا النشاما الحواره ياليت تعطيها بنسلين جرعة حيران وشاور البيطري وطعمها من التسمم المعوي بعد استشارة البيطري |
رد: الفزعة يا النشاما بعطيك علاج وطالبك تنفذه وعقبها امدحني وذمني والشفاء من الله الصيدليه البشريه شراب قمنتين رقمه 312 وخذ برواز ابره وحل القمنتين وعط الحواره 8س لمدة خمس ايام وحاول باسرع وقت تسوي اللي قلته لك وعطنا الاخبار والله يشفي حلالك من كل شر وللمعلوميه القمنتين ممنه اي اضرار او مضاعفات |
رد: الفزعة يا النشاما عبدالله الغانم الحوارة عطيتها بنسلين 5سم أمس وقبل امس واليوم أن شاء الله ومعه ملتي فيتامين محمد التميمي شريته اسمه (أقمنتين ) بضم الهمزة مضاد حيوي سعره 40 ريال واليوم أن شاء الله أبدأ في العلاج والله أن شاء نمدحك ياطويل العمر بارك الله لكم في حلالكم ومالكم |
رد: الفزعة يا النشاما مساكم الله بالخير جميعاً آخر المستجدات : 1- الحواره خلصت أمس من المضاد الحيوي اللي وصفه للي الأخ محمد التميمي وتحسن الوضع لكن جاء معها اليوم اسهال أكرمكم الله لونه أصفر سائل على ارجولها 2- الناقه صورتها لكم وفي الصوره شرح الحاله في السابق قبل الكوي كانت الناقه ما تقدر تأكل على لحيها تقول مكسور وبعد الكوي كلت لكن الحال ضامر والحليب ما به حليب افزعولنا بالمشوره ياأهل الخبرة والله يكتب لكم الأجر http://www10.0zz0.com/2011/02/03/21/169270064.jpg |
| الساعة الآن 16 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |