|
الذراق اذا خالطة دم ... وش دبرته؟؟؟ مسى / صباح الخير للجميع يالربع ابي الشور والدبره بالحوار اللي عمره 3 ايام تقريباً وجاه الذراق بس المشكله ماهي بالذراق بس المشكلة ان ذراقه الله يكرمك مخالطه دم ... وش البلا اللي فيه ووش دواه والله يجزى الجميع بالخير ويكتب لهم الاجر في كل علم |
رد: الذراق اذا خالطة دم ... وش دبرته؟؟؟ عليك بحبوب الذرق الزهريه مع 2 حبه انا لوج من الصيدليه البشريه |
رد: الذراق اذا خالطة دم ... وش دبرته؟؟؟ عليك بالماء الدافي عطه الحوار صبح ومساء وخفف الحليب عنه هذي من تجربتي للحيران اللي يعانون من الذراق الله يكون في عووووونك |
رد: الذراق اذا خالطة دم ... وش دبرته؟؟؟ شف ياخالد وانا أخووووووووووك هالامر حصل معي العام الماضي في واحد من الحيران يذرق دم بشكل فضيع وش سويت ..؟ اول مابه قطعت البرسيم عن الأم نهائياً وثانيا والاهم أمنع الحوار لا يرضع أمه لمده خمس ساعات وقبل الرضعه أعطيه مويه صحة صغيره فيها نشا حق الطعام وماء بارد فقط وثلاث أيام ولابه الا العافيه الله ييسر أمرك |
رد: الذراق اذا خالطة دم ... وش دبرته؟؟؟ مساك الله بكل خير اخوي نواف المشكله بدت معي امس وساس المشكلة والله العالم هي كثرة الحليب اما كلام البياطره اتهاب بالامعاء وجاري تجربت علاج وباذن الله اوفيك بالنتائج بعد التجربه واتفق مع اخوي طلال في كلامه جعل راسه سالم |
رد: الذراق اذا خالطة دم ... وش دبرته؟؟؟ هذا نوع المرض ياخالد الكلوسترديــــــا و زود على كلامك رائحة الاسهال نتنه اجلكم الله انصحك اول شي تعمله تعزل الحوار لانه مرض معدي بنسبة 100 % 100 ويسمى عند البدو الهيام وهوه نوعان تسمم معوي وتسمم دموية حين تتقيح وتتقرح الامعا يسمى تسمم معوي وحين تتقطع الامعاء وتصل السسموم للقشاء يسمى تسمم دموي لان الدم تسمم العلاج 1 ملي اموكسسلين 1ملي فاتامين اي + سلين الاماني مركب السلفاء تراي سلفا يضاف له الماء نصف ملعقة صباحا ومساء لمدة 3 ايام ويفضل عمل تركيب محلول بالوريد لتعويض النقص جرا الاسهال لكي تتلاشاء الجفاف ابدا العمل باسرع وقت قبل ان يتمكن المرص لانه خطير جداا ناتج عن مايكروب لا هوائي يسمى كلوي اي ارجوك ادعلي بالتوفيق والسداد |
رد: الذراق اذا خالطة دم ... وش دبرته؟؟؟ تاكد من الحوار ياخالد لايكون فيه خملا لانه من اعراضها ذراق الدم |
رد: الذراق اذا خالطة دم ... وش دبرته؟؟؟ الما البااااارد كل يوم ثلاث قوارير صغيره بارده والزبادي ثلاث علب كل يوم لمدة ثلاثة ايام وبتشوف الفرق مجرب عندي |
رد: الذراق اذا خالطة دم ... وش دبرته؟؟؟ اولاً اتاسف عن التاخر في الرد وابشركم الحواره تشافت وسلمت ولله الحمد والله يجزاكم الف الف خير ويعطيكم على نوايكم ووالله ان الواحد يفرح وينشرح خاطره اذا لقى اخوان له بهالمنتدى يتسابقون للطيب والفزعه ومساعدة اخواً لهم يستشير او ينشد ... فبيض الله وجه الجميع من دون استثناء والله يجزاكم ووالدينا ووالديكم والمسلمين اجمعين بالجنة.. |
| الساعة الآن 57 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |