منتـديـات مــزايـن - الهرش جاته فشلته من لهاته

منتـديـات مــزايـن (http://www.mzayan.com/vb/index.php)

- الوسائط المتعددة لمزاين (http://www.mzayan.com/vb/forumdisplay.php?f=105)

- - الهرش جاته فشلته من لهاته (http://www.mzayan.com/vb/showthread.php?t=33986)

الهرش جاته فشلته من لهاته

لعيون الهرش

يامُوصِل ٍ علمي على الله توكل=يالنادر اللي مايضيع وصاته
أخذ الجواب ووصله لا تمهل=للشيخ وده وأخذ علمه وهاته
منشا من المنشا سحابن وما هل=وبله على الريضان وأنعش نباته
أسلم وسلم لي على الشيخ ثم قل=جعله مع الحيين تبطي حياته
وفّا وكفّا والسنافي تجمّل=حاضا الوفا كنّه يحاضي صلاته
وقله ترى هرش هدرحاله أحول=الهرش جاته فشلته من لهاته
عقب الهدير اللي سمعته يزلزل=أرخى رويسه وأختفى في أمهاته
وماعاد لي بزيارته لو بعد حل=شوقي لشوفه عاسرتني شفاته
أنا رجل في ماقفي ماتفشل=عمرالفتى كسب الجميلة طراته
رجل ٍ مع الشيخان قدري مكمل=سيف ٍ بريع ٍ ماتخونه شباته
لي منهج ٍ فطري ولا ينتعدّل=الطيب عشقه والقناعة غناته
أشرّف اللي فوق كل الملا طل=وقبلي رجال ٍ قد تعلوا حصاته
جمال في وقت الشدايد تحمّل=لا خار عزمك يامشابه خواته
من قال منهم قول بالفعل كمّل=دايم على العليا يحث إخطواته
وراع التصنع لافعل مرة مل=ولمسلكه لوّل يهل عبراته
راعي يمين ٍ قاصرة لنّه أشول=وسلامته مـ ، الضيف غاية مناته