|
والله زعلتني الخلفة وأبي نصيحتكم لاهنتم..!! بسم الله الرحمن الرحيم مساكم الله بالخير يالربع ويارب تكونوا بخير وصحة وسلامة اشتريت خلفة طيبة ماشاء الله تبارك الله من شهر ودايم يحلبها الراعي ولاتحترك أبد وكانت هدية كل هالمدة. بعدها شريت خلفة ثانية لكن ماهي هدية أبد ودايم تلفظ اللي بفمها وما نحلبها إلا برباط وحتى وهي برباط مانسلم منها من أول ماجات هذه الخلفة والخلفة الأوله ماهي طبيعية ولا صارت هدية أبد ولانحلبها إلا برباط وانا مابي أعودها على هالشئ معقولة الخلفة الجديدة هي السبب ؟ نخيتكم أبي مشورتكم الله يبارك لكم في مالكم وحلالكم |
رد: والله زعلتني الخلفة وأبي نصيحتكم لاهنتم..!! السبب الراعي انخرش من الاوله وعلم الثانيه على الباط |
رد: والله زعلتني الخلفة وأبي نصيحتكم لاهنتم..!! العامل هو السبب مثل ماقال اخوي راشد |
رد: والله زعلتني الخلفة وأبي نصيحتكم لاهنتم..!! الامر سهل وانا اخوك شبك الخلفات وسعه شوي الله لايهينك احلب الخلفه الهديه اولا ودائما ولاتنسى التاكد من سلامتها يمكن يكون حدى خلافها مورم لذلك تستوجع في وقت الحلب ويتغير طبعها ثم احلب الخلفه القشرا عقبها وتكون في طرف الشبك والامور سهالات |
رد: والله زعلتني الخلفة وأبي نصيحتكم لاهنتم..!! يعني ابو خالد يوصيك بحكم التعدد كل وحده حطها فبيت وبد الاوله قبل الجديده صح يبو خالد ابو خالد مستوحي التجربه من التعدد العلم بنوصله بس كيف يوصل ام خالد شكلك واقع في المسيار يال...............؟ المطايا تقلد بعضها لا قطعت الشبك وحده الحقتها الاخرى ولا كلت الغزل قلدتها اختها وكذلك الهداوه توجيه ابو خالد والعرق لا تدور غيره اما العامل ولا المطيه |
رد: والله زعلتني الخلفة وأبي نصيحتكم لاهنتم..!! اقتباس:
انفظ ثوبك ولاتظلم حظك يابوفالح :mwalat21: والوقايه خير من العلاج ....وجهة نظري من منطلق اقلع الجربا عن الابل لاتجرب الابل والمسيار نسمع به ولا شفناه ولاعرفناه:mwalat13: ولايمنع ان نطبق الفكره اللي انت طرحتها في ردك واتهمتني فيها التعدد :mwalat32: :mwalat13: :mwalat2: لكن مشكله المهر غالي والنكبه الجماعه لو تقول نبي نشوف الشوفه الشرعيه وتطبيق السنه مدووا بنادقهم بين اعيونك:mwalat22: المعذره يالسبيعي على مداخلاتنا ....ابوفالح الله يهديه اقشر ويدور القشر ياجعله يطير ولا يوقع الا في نهر الكوثر |
رد: والله زعلتني الخلفة وأبي نصيحتكم لاهنتم..!! مثل ماقالوا الاخوان المشكله في الحلاب اللي هو الراعي الناقه اللي هدواتها لك عليها يبغى لها حليب بهداوه وبصيره ماهو مثل بعض الرعيان اللي يمسك خلف الناقه ويجره تحت مع ضغطه كانه يحلب بقره حاول تعطيها خبز يابس لاجيت تحلبها وان شاءالله ترجع مثل اول وهذا القصه حصلت لي وهي تدل على ان بعذ الرعيان هم السبب في عدم هداوه البل او تغيير طبعها كنت احلب ناقه عندي بالرباط ومن كثر حليبها تعبت وخليت العامل يكمل حليبها والله من حلبها انها راغيه وحاذفه نفسها على جنبا وهي مربوطه لو ماني موجود كان صارت علوم ويمكن تنسكر الناقه لان ثفانها مربطه وطاحت على جنبها الراعي من ذاك اليوم طرته لاعاد يحلبها |
رد: والله زعلتني الخلفة وأبي نصيحتكم لاهنتم..!! الله يبيض وجيهك جميع وأنا والله اتوقع إنه من الراعي فكل ماستصعبت عليه حلابها قال يالله نربطها وهذا اللي قاهرني وأنا أبصم مئة بالمئة إنه منه مايعرف يديرها ولكن قلت أسأل من شان ماأظلم الرجل أخوي خالد وأخوي أحمد أخذني الحماس معاكم<<<هههههههه |
| الساعة الآن 37 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |