|
ياعل وجيهكم للجنه يالربع عندي ناقه معشر لها3 شهور ونص والناقه حاله دون شوي ووبرتها شانت ؟ وقلت يمكن انه عقب الضراب لاكن طول الحال والناقه تاكل واكلها حليو" وهل حبوب الدود تضر المعشر |
رد: ياعل وجيهكم للجنه مرحبا ياصالح افضل لك طلع دكتور عليها وحبوب الدود بعض البل يصعد معها |
رد: ياعل وجيهكم للجنه مشكور وابي العلم يالربع محتار الناقه ناقه مزاين ياعلكم للاجر |
رد: ياعل وجيهكم للجنه حيااااك الله اخوي عطها شراب الدود وبعد 21 يوم كرر عليها الشراب ويمكن الناقه فيها هيام ماهو شرط دود اذا كان عيونه تدمع دائم ووبرتها شاينه هذا مرض الهيام وحسب معلومات ان حبوب الدود و شراب الدود مايضر المعشر .. ويفيدونك الاخوان مراح يقصرون معك |
رد: ياعل وجيهكم للجنه الهيام افضل علاج له شنهو وهل يضر المعشر؟ |
رد: ياعل وجيهكم للجنه ابرة الهيام الفرنسيه باذن الله ما تضر وقيمتها 100 ريال وتعطى في اللحم حبوب الدود سمعت كم حالة اصعدت لقحات منها |
رد: ياعل وجيهكم للجنه مشكورين بس يعني ابره الهيام طيبه؟ والحبوب حقت الدود مضره؟ والشراب احسن من الحبوب؟ |
رد: ياعل وجيهكم للجنه اخوي صالح انا سالت البيطري البارح وقال لي حبوب الدود تضر اللقحه لاتعطيها حبوب الدود لان فيه خطر انها تصعد اما بالنسبه ابرة الهيام فافضلها الفرنسيه ام ختم فضي لماع وابرة الهيام ما تضر القحه ..... اما بالنسبه لشراب الدود ما يضر القحات و حبوب الدود افضل في المفعول واسرع ولكنه يضر القحه .. هذا وسلامتك وجعل ربي ما يريك مكروه |
رد: ياعل وجيهكم للجنه سبق وسألت احد الدكاتره عن حبوب الدود وضرره على المعشر وقالي انه من بعد 6 اسابيع اي شهر ونص مايضره حسب النشره الي مع العلاج |
| الساعة الآن 11 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |