|
الخلفه حليبها قليل جدا.. وش رايكم ياهل البل ؟؟؟ السلام عليكم .. عندي ناقه ولدت امس ولا عطفت واليوم عطفت شي قليل جدا يالله يروي الحوار مع انها سمين وصحتها طيبه والبرسيم عند خشمها (وهي قد ولدت العام ولا ركبت الحوار وبعت الحوار واضربتها يعني بكر العام لكن ما عطفت نهائيا العام) وش رايكم يا هل البل الي مرت عليه مثل ها الحاله ولا يالله بشورن طيب..والله لا يهينكم... |
رد: الخلفه حليبها قليل جدا.. وش رايكم ياهل البل ؟؟؟ اهم شيء انها تعطف وبعده فيه طرق كثيرة لزيادة الحليب ومنها ابرة الاوكسي توسن مع الاستمرار على البرسيم والشعير |
رد: الخلفه حليبها قليل جدا.. وش رايكم ياهل البل ؟؟؟ مسعود بيض الله وجهك على الرد السريع هذا من طيب اصللك ..لكن السؤال هل الابرة بتزيد من مستوى الحليب لفترة وينقطع ولا على طول ؟ واذا فيه طرق اخرى نورنا الله لايهينك... |
رد: الخلفه حليبها قليل جدا.. وش رايكم ياهل البل ؟؟؟ وجهك ابيض اخوي بالنسبة للابرة هي مدرة وقابضة للرحم في نفس الوقت وتعتبر علاج وليس حل مؤقت وبالنسبة لزيادة الحليب فحسب المفهوم العلمي أنه يزداد بزيادة فيتامين أ وهذا الفيتامين متوفر في الاعشاب الخضراء ومنها البرسيم فأنت استمر على اكرامها بالبرسيم والشعير وان حبيت تضيف التمر أيضا فهو مفيد ويا ليت تعطينا النتائج |
رد: الخلفه حليبها قليل جدا.. وش رايكم ياهل البل ؟؟؟ جعل شيبانك للجنه يا مسعود وبوافيكم بالنتايج بعد اعطائها الابرة ... |
رد: الخلفه حليبها قليل جدا.. وش رايكم ياهل البل ؟؟؟ هل الناقه تعطف على حوارها للحين ولا وقفت والحليب ترى بيزيد مع الوقت دام الحوار يرضعها واخذ بنصيحة ابو محمد وعطها الابره |
رد: الخلفه حليبها قليل جدا.. وش رايكم ياهل البل ؟؟؟ يالربع انا رحت للبيطري وقال الابرة بتكثر من الحليب ويغدي خفيف مثل الماء وما يصلح للشرب وش رايكم اخليها على ماهي عليه دامها تروي حوارها ولا اعطيها ابرة علما اني ما اعتمد عليها عندي خلفه غيرها ؟وهل حليبها بيزيد اذا ولدت مرة ثانيه ولا قد ذا جهدها ؟؟؟ |
رد: الخلفه حليبها قليل جدا.. وش رايكم ياهل البل ؟؟؟ أبرة الأكس توسين مثل ما قالك أبو محمد هي بالأساس مدرة للحليب .. وقابضة للرحم بالإمكان أعطائها الأبرة وإن شاء الله ما عليها شر. وعليك بالبرسيم ومع الوقت راح يزيد حليبها بإذن الله |
رد: الخلفه حليبها قليل جدا.. وش رايكم ياهل البل ؟؟؟ بيض الله وجهك |
رد: الخلفه حليبها قليل جدا.. وش رايكم ياهل البل ؟؟؟ هل أسلت الناقة والا لا ؟؟ اذا هي ما اسلت فشي طبيعي جدا وعطها الابره الذي ذكروا الاخوان .. واذا هي قد اسلت فاصبر شوي ومع الوقت يزيد الحليب ان شاء الله ،، بس عليك بالبرسيم الرطب اللي مابعد لبنوه .. وان شاء الله تشوف اللي يسرك .. وبانتظار النتايج . |
رد: الخلفه حليبها قليل جدا.. وش رايكم ياهل البل ؟؟؟ اسلت الناقه يا عبد اللطيف وبيض الله وجهك وبستمر معها بالبرسيم واوافيكم بالخبر... |
رد: الخلفه حليبها قليل جدا.. وش رايكم ياهل البل ؟؟؟ انا من وجهة نظري انك تصبر على الناقه ولا تعطيها اي علاجات مدامها تعطف بيزيد حليبها عطها وقت وبعدين قرر |
رد: الخلفه حليبها قليل جدا.. وش رايكم ياهل البل ؟؟؟ الاخ ذيب اذا الناقة بكر فطبيعي يكون حليبها قليل واذا الحليب يكفي حوارها والحوار في زود فاتركها بدون ابر واكرمها بالعلف عسى الله يبارك لك |
رد: الخلفه حليبها قليل جدا.. وش رايكم ياهل البل ؟؟؟ السلام عليكم ...كل الود والتقدير ... الى الاخوان المشاركين احب اعرض نتايج الحاله انا ما عطيتها ادويه والناقه بكر ولكن اكرمتها بالبرسيم والحمدلله حليبها افضل من اول وزاد وكل الششكر لمن عطر الموضوع بمشاركته وجعل شيبانكم للجنه والله يبارك لكم في حلالكم ..... |
| الساعة الآن 37 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |