|
من يعرف هذا الوسم جزاه الله خير السلام عليكم ورحمة الله وبركاته اخواني الاعزاء شريت قعود من ولد شايب متوفي وماعند الرجال اي معلومه عن القعود ارجو من الي يعرفه يفيدني جزاكم الله خير او يدلني على رجال يعرف بالوسوم وتراني دورت بكتب كثيره وما كان فيه شي واضح وارجو ايضا الافاده تكون ماكده وتسلمون على المرور وعلى الافاده مسبقا واخليكم مع صور القعود الوسم واضح مغزل مقلوب على الخد من يسار وبالصوره هذي مطرق من تحت الاذن ورقمتين على الرقبه وبعدها مطرق على الرقبه من يسار وفي الصوره هذي تظهر القلاده على الرقبه في الوسط وسلامتكم ننتظر الردود وتقبلو تحياتي اخوكم عبدالله بن مانع |
رد: من يعرف هذا الوسم جزاه الله خير هذا والله اعلم وسم المصارير من الدواسر |
رد: من يعرف هذا الوسم جزاه الله خير البعير علية اوسوم واجد علية عمود الصمله من سبيع وعليه الخناق والخناق ياسمه الغياثات من الدواسر وكذالك فخذ من البقوم والمغزل والله اني اول مرة اشوفة هذا اللي عندي والله اعلم |
رد: من يعرف هذا الوسم جزاه الله خير مغزل مقلوب على الخد من يسار الله وأعلم للجهوم من سبيع |
رد: من يعرف هذا الوسم جزاه الله خير ارحبووووووا تسلمون على المشاركه اخوي محمد ال جابر واخوي بدر العطاوي واخوي نايف الشاهين الله لايهينكم نستمر يا اخوان الي عنده معلومه مؤكده عن وسم البعير يفيدنا . رساله الى الغياثات من الدواسر والبقوم والصمله من سبيع والمصارير من الدواسر يفيدونا عن الوسم هو لهم او لا تقبلو تحيات اخوك عبدالله العجمي |
رد: من يعرف هذا الوسم جزاه الله خير ماشاء الله تبارك الله الوكاد ان البعير كفووووووووووو |
رد: من يعرف هذا الوسم جزاه الله خير المصارير وسمهم الحنوه Uعلى الرقبه |
رد: من يعرف هذا الوسم جزاه الله خير يامرحبا بالجميع مازال الموضوع شاغل بالي يالربع الي عنده معلومه يفيدنا معلومه : في فيه شايب شاف البعير في مزاين الكويت وقالي هذا غيثي دوسري قلتله متاكد قال ان شاء الله وقال والله اعلم انهم من سكان اخريص والله اعلم ياجماعه هذا كلام الرجال ومادري مدى صحة المعلومه ومني لكم الي عنده خبر لا يبخل علينا وتقبلوا تحياتي |
رد: من يعرف هذا الوسم جزاه الله خير الاخ عبدالله العجمي ؛ اولا الله يبارك لك في الفحل وماشالله عليه . ثانيا بالنسبه للوسم الي على الفحل يسمى المغزل وهو والله اعلم للحقبان من الدواسر حسب علمي وبساءلك عنه للتاكيد ثالثا القلاده على رقبت البعير تسمى القلاده القصيره U فهي وسم الغياثات من الدواسر . والفحل لا تحكم عليه الا اذا انتج وشفت بعينك انتاجه وغيرك الي يعلم وسلامتك . عبدالله ال عمار الدوسري , |
رد: من يعرف هذا الوسم جزاه الله خير الاخ / عبدالله ال عامر الدوسري المحترم السلام ورحمة الله وبركاته تسلم على المعلومه وشكرا على المجامله ابشرك الفحل عندي منه بكرتين و ماشاء الله وانتج قعود مزيون بس مات بالنسبه لبناته اطوال اكبر من امهاتهم حسب المتوقع وفيه بكره من طولها ما قامة الا ثاني يوم اللون وضح برده والله يكتب الي فيه الخير الي افهمه من آراء الشباب والي توصلت له حتى الان ان القعود دوسري وانه عليه وسمين وكلهم دواسر وحسب اعتقادي انه انتج عند الغيثات لان القلاده وسمها قديم هي والمطرق الي فوق الاذاني اما المغزل المقلوب فاتوقع انه لما صار حق اوسموه او لما اشتروه من الغيثات لان المغزل اجد من القلاده القلاده قديمه اقصد بوقت الوسم الي باقي الحين انه اتاكد من وسم المغزل اخوي عبدالله ولا عليك امر ولا تهون اسعى في معرفت وسم المغزل ويا شباب الي عنده بعد معلومه يفيدنا واجركم عند الله وتقبلو تحياتي اخوكم عبدالله مانع العجمي |
رد: من يعرف هذا الوسم جزاه الله خير بسم الله الرحمن الرحيم البعير مشاء الله عليه اما بنسبه لوسم القلاده هي لقروف من البقوم لكن الوسوم الثانيه يقلون انها الصخابره من الدواسر بس ابي اتكد من الشاهد علي البعير لمن |
رد: من يعرف هذا الوسم جزاه الله خير ياا مرحبا يا هاشم البقمي تسلم على المعلومه وبنتظار التاكد من الشاهد بيض الله وجهك اشكر الجميع على مرورهم سواء الي ادلا معلومه او الي شرفنا بمروره ويستمر الاستفسار حتى الوصول ان شاء الله الى صاحب الوسم والي بسوي معه مقابله اذا الله قاله |
رد: من يعرف هذا الوسم جزاه الله خير المصارير : الحنوة القصيرة على الرقبة من يسار |
رد: من يعرف هذا الوسم جزاه الله خير اقتباس:
بس المغزل اللي على البعير مهوب للحقبان لأن الحقبان لهم وسمين وسم المغزل على الرقبة من يمين أو حلقتين بينهم مطرق على الفخذ من يمين واللي واضح من الوسم اللي على البعير أن أصله من أبل الغيثات |
| الساعة الآن 17 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |