|
اشهر الركاب المجاهيم بانتاج فرديات الاشواط الرئيسيه السلام عليكم ورحمة الله وبركاته كيف حالكم يالربع عساكم طيبين وارجو منكم المعذره على التقصير فيكم وفي المنتدى بسبب ظروف العمل وابشرو بالعوض قريب الموضوع الله يطول عماركم هو اعطاء الركاب المنتجه انتاج فردي لاشواط التحدي حقها من المدح والذكر ويقتصر الموضوع على الركاب اللي انتاجها ياخذ المراكزالمتقدمه في اشواط التحدي المفتوحه التي يشارك فيها ابناء جميع القبايل بغض النظر هل راعي البعير يسمح به او يمنع وكل رجل يبي يذكر بعير لازم يذكر انجازات انتاجه في المحافل الكبيره والمفتوحه للجميع مثال بنته او ولده اخذ المركز الاول او الثاني في شوط التحدي المفتوح في المزاين الفلاني والمشرفين الله لا يهينهم يقومون بجمع انجازات انتاج البعير في المشاركات المتفرقه وتكون مثل الاحصائيه ومرجع لاهل البل وشهاده لانتاج الركاب يرجع لها في حال انه اختلف يعني البعير اللي ما لانتاجه انجازات قويه لا يذكر ولو كان عند العامه واهل الابل من اشهر الركاب نبي نشهر اللي يستاهل بادله وبراهين وهذا اقل حقه علينا هو وراعيه لان بعض الركاب قد يكون انتاجه متفرق وبعضها يمكن انه اول انتاج وقد يشهره هذا الموضوع وياخذ حقه بشهاده اعضاء منتدى مزاين ومن انتج عندهم ارجو من اخواني الاعزاء عدم الخروج من الموضوع وعدم التطرق لاصحاب الركاب الا بالخير الموضوع عباره عن شهادة حق لمن يستاهلها وانصاف اللي يستاهل |
وعليكم السلام اخوي راشد.. اشكرك على خطوتك الجميلة في هذا الموضوع وانا ضامن بإذن الله ان منتدى مزاين بيعطي كل بعير منتج اشتهر وله نصيب من المراكز المتقدمه حقه ولاشك في ان الاخوان متشفين لهذا الموضوع واطروحه جميله منك ياخوي راشد وبيض الله وجهك ودايمن علومك تونمسنا ونترقب من الاخوان الاعضاء وضع ماطلبه اخونا راشد بيض الله وجهه وجعل من جابه للجنه وولدينا وولدي الجميع... |
أشكرك أخي راشد على الموضوع . الفحل : حرصان ولد خشبان العصلب . ومالكه ( ابن لخن العرجاني ) الإنجازات : حصول البكرة الحرصة بنت حرصان على المركز الأول في مزاين الظفرة 2010 ومالك البكرة بداح بن قريع الدوسري وأن كان هناك إنجازات أخرى لا أعلم عنها . |
مشالله اخوي راشد طيب وماتجيب الا طيب وشكرا لك يالغالي |
السلام عليكم ورحمه الله وبركااته صغيراان او بني صغيراان عاامه اخذن بناات صغيراان المركز الاول في مزااين الظفره انتااج عزبه عند خميس ابن الفندي المزرووعي 2010 اخذ عشيو ولد صغيران المركز الثالث ( الفحل وانتاجه ) في مزااين الظفره 2010 اخذت مدرهم بنت صغيران ل علي محمد بن كمتان المنصوري المركز الثالث في شوط الجذااع في مزااين الظفره 2010 ثلاث سيارات في مزااين وااحد فردي وانتاج وجمل تحيااتي |
موووضوع مميز وحبيت اشارك الاخوان بالترشيح انا ارشح مزعل بعير عبيد ابن مريمان العامري ارشحه بالشكل والانتاج من حيث الشكل . مزعل حصل على المركز الثاني في شوط الفحول في مزاين الظفره وسرح الموتر من حيث النتاج . بنت مزعل عند ابن شريم المري وفازت بالمركز الثاني في مزاين الظفره العام الماضي وفازت بالمركز الاول هذي السنه في مزاين الظفره وبنت مزعل الثانيه اللي عند ابن شير اللي باعها على بن علي وفازت بالمركز الثاني في مزاين الظفر هذي السنه وغير وغير بنات مزعل اللي مرقمات فالاشواط المركز الرابع فالمفرد بكره ابن طاسه العامري وعليها سووم قبل الشوط بيومين مليون واربع ميه في شارع المليون . تحياتي |
السلام عليكم ورحمة الله وبكاته بيض الله وجهك يا راشد على هذا الموضوع الفريد من نوعه الذي سوف يخدم جيع اهل الابل على كل الفئات مع خالص تحياتي لي عوده |
اشكرك يابوعلي على هذا الطرح المفيد واتمنى من الاخوان تدعيم الترشيح بالصور حسب الامكان وهذا يزيد الموضوع جمالا ومتعة للقارئ ...مجرد وجهة نظر |
السلام عليكم ورحمته الله وبركاته انا ارشح وريك ونتاجه وريك بنتاته حطمان الرقام وبنتها النادره ماخذها الاول الشوط الشيوخ ورهيبه ماخذه في شوط الشيوخ ماخذاه الثاني ولامزيد من بنات الوريك |
لاهنت يأبو سنيده على الموضوع .. اللي يستحق الاشاده .. والدعم من الاعضاء .. ويستحق التثبيت .. بشرط الا يشارك أحد.. بمجرد كلام بدون صور . أو ذكر التفاصيل .. |
اااارحب يالعرق اخوي راشد موضوووع يستحق الاشاااده والمشاااركه اما انا ارشح وحيدان ال جهيم الهرش وذلك لانتاجه الفاااخر ومن بناته اللي رقمن في الست وفي الفردي اخذن الاوااايل فالظفره وهو الفحل الغااالي من ناحية الزين والانتاااج وفيه فحووول واااجد لكن من وجهة نظري انه الفحل اللي لبناااته ذوق وعاااد فيه فحوول منتجه لكن ننتظر مشاااركة الباااقين تحياتي لك ياراااشد على الموضووع الرااائع |
السلام عليكم ورحمة الله وبركاته لاهنت يالعرق على ذا الموضوع وبيض الله وجهك اما بالنسبه لي ارشح الطعم بعير بن الكربي وهاذي وجهة نظري ولاهنتو |
السلام عليكم ورحمة الله وبركاته . لاهنت يا العرق على الموضوع الشيق والاكثر من طيب ولاهي بغريبة عليك . انا برشحلكم بعير حمد بن سالم آل زريق الهاجري ( عطيبان ) وسبق ان عرضت له مقطع فيديو فالمنتدى وصوره لبنته ( بينه ) الحاصلة على المركز الاول في مزاين ابن شايع اللي اقيم في شهر 5 الفائت وهي من اول انتاج البعير واذا اردتو مشاهدة الروابط راجعو موضوعي باسم عطيبان ولد الوافي .. ولكم مني جزيل الشكر والتقدير ... |
لاهنت راشد العرق وانا ارشح وحيدان ال جهيم الهرش |
السـلام عليكم ورحمة الله وبركاته تحـــيه طيبه وعطــره للجمــيع أخــوي راشـــد الــعـرق ,,,!!,,, أرفـع لكـ القبعــه أحتراما" وشكرا" على هذا الموضوع الـذي لم يسبق عـرضــه من قبل المنتديات الشعبيه المختصـه في مجال الأبـل الـذي أستفدنا من بداية الصفحـــه الأولــى وبعدها دخلوا الـشباب جزاهم الله خير في مجال منع البعير أو السماح به أخــواني الكرام الـذينا تطرقو في مجال عدم ذكـر الفحل وأنتاجه الـذي يمنعه راعــيه نـرجو منكم تسكـير هذا الموضوع لعدم التمادي فيه وخوفا" من ذكـر أصحاب الفحول الذينا يمنعونها لأنها سوف تسبب مشاكل ونحن غنيين عنها فبعض الرجال الذينا يمنعون ركابهم كانو قبل ذالك لايمنعونها ولكن عندما شافو الضغط المستمر عليهم لجئو إلا هذه الطريقه الغير مرغوبه ولكن مانقول الا الله يهديهم على الطريق الصحيح ونـــرجو منكم تــسكـــير هذا الموضوع وفتح موضوع راشـــد العـــرق من جديد |
| الساعة الآن 18 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |