|
يا قلب لا تحزن مشاركة بسيطة للتواصل معكم عسى تنال القليل من رضاكم صلوا على محمد [poet font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""] الهم كوّن وسط صدري مماليـك=والراس من كثر الهواجيس ينخاه همي رماني مثل رمي البلاجيك=رميٍ يصيب القلب والموت يحداه ياقلبي ماشفت السعد في لياليك=كن الزمن يمّنعه عنّـك وينهـاه ياقلبي المضيوم ضاقت محانيـك=كثر المصايب حدت القلب لاقصاه ياقلبي الله من مصابـك ينجيـك=ويقوم حظك والسعـد ماتعـداه عزاك يا قلبـي ببيـتٍ يقديـك=يصبرك والصبر محمود عقبـاه ياقلب لا تحزن على كثر مافيـك=كم واحدٍ قبلك شكى هـم دنيـاه [/poet] مبارك بن حسين |
اقتباس:
الاخ / مبار ك صح السانك وبيض الله وجهك قصيده رائعه ولك مني الف شكر اخوك |
اخوي جاسم صح بدنك ووجهك ابيض وشاكر لك تواجدك |
مبارك بن حسين : صح نظمك : وسلمت قريحتك : وحييت من شاعر : : تقبل فائق التقدير : : نوض سدير |
ياقلب لا تحزن على كثر مافيـك كم واحدٍ قبلك شكى هـم دنيـاه الله عليك وتسلم يمينك وصح لسانك تحياتي لك |
نوض سدير صح بدنك يا خية ولاهنتي شكرا لك |
اخوي فايز صح بدنك ولاهنت شكرا لك |
عزاك يا قلبـي ببيـتٍ يقديـك يصبرك والصبر محمود عقبـاه ========= مبارك بن حسين صح لسااانك مدد بلا عدد وسلمت يمينك وعاش رأسك سجل الاعجاب بشخصك والمتابعة الدائمة لقلمك ودمت بود أخوك |
خالد صح بدنك يا غالي ولاهنت والله ان متابعتك شرف فما بالك باعجابك فديت خشمك بيض الله وجهك وجمل الله حالك موفق |
|
الاخ مبارك بن حسين صح السانك واسين على فلبك وابشر بسعدك . |
العبيه مساء النور والعافيه وصح بدنك ولاهنتي يا خية والله يبعد الاحزان عن قلب كل مسلم مشكورة الله يعطيك العافيه موفقه |
محمد ال الضريرة ارحب يا غالي وصح بدنك والله لايهينك كفو يا الذيب يا مال الغناة موفق |
ارحب يا مبارك .. وصح الله لسااانك ... الهم كوّن وسط صدري مماليـك والراس من كثر الهواجيس ينخاه همي رماني مثل رمي البلاجيـك رميٍ يصيب القلب والموت يحداه يزول الهم يالغالي .. لله درّك على هكذا نزف .. دمت بود .. ولك تحيات وتقدير اخوك .. سعد |
سعد الحمدان ارحب يا هلا و مرحبا وصح بدنك يا غالي ومشكور على حضورك الكريم موفق |
| الساعة الآن 10 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |