|
نبي رايكم يا هل البل (وريم مستديم) السلام عليكم .. عندي خلفة يا الربع ولدت قد لها شهرين ولها حول الشهر ونص وديدها مورم حاولنا في الابر وفي الماء البارد والناقه تمشي كل يوم وكويناها تحت زر الورك رقمتين ومطرقين في المحالب من كل جهه مطرق ومطرق في عكرة الذنب وخفت يومين وردت ونطعمها قت نشبعها من القت وهذا الاسبوع غيرت طعامها الى التبن في وجه العدا قلت اجرب اغير طعامها... السؤال يالربع فيه شي فاتني يمكن فيه سبب اخر للوريم الديد ولا علاج فعال لان الديد مورم ومنتفخ الحوار ما يقدر يرضع افيدونا جعل شيبانكم للجنه ؟؟؟ |
رد: نبي رايكم يا هل البل (وريم مستديم) عطها ابرة الزنبور الفرنسيه 20 سيسي باللحم وبعد شهر تعطى مره ثانيه + دوا للدود ويكون اصلي لان اكثر الصيدليات يبيعون ادويه غير اصليه ما وراها فايده وبعد 15 يوم مره ثانيه طريقه مجربه |
رد: نبي رايكم يا هل البل (وريم مستديم) لازم تبين يا ذيب ويش العلاجات الي خذتها الناقه بالاسم وكم المده على شان الشباب ما يقصرون عندك ولا هل الاختصاص |
رد: نبي رايكم يا هل البل (وريم مستديم) العلاجات ابرة ورم وبنسيلين العاديه هذا بالنسبه للابر |
رد: نبي رايكم يا هل البل (وريم مستديم) مساك الله بالخير ياخ ذيب ماني باطيب من اللي قبلي ولا اعلم ولكن فيه طريقه استخدمها مع ابل الشايب وتنفع ونقول عسا الله ينفع بها فيه مرهم ريحه فية منريح الفكس لون الدهن اخضر فاتح والله اني ناسي اسمه بس تراه نوعين او ثلاثه وهذا اغلاها ذني سعرة 30 او فوق تدهن به ديد الناقه عقب ماتحلبها وتحاول تفضية من اللبن وعبه ترشه بماء بارد من الحوض ان كان بارد ولا من مطارة الراعي وبعدها تدهنه الدهن اخر شي اما الحلب كل ما فضيت الديت وغسلت بالما البارد يكون افضل من غير المضاد الحيوي لان الورام مبطي مع الناقه لونه توه جايها كان تكتفي بالي قلتلك بدون ابر ولو لاحظت تراك بتلقى ديدها حار عشان كذا الما البارد والله يدلنا وياكم ولا يغوينا |
رد: نبي رايكم يا هل البل (وريم مستديم) احد اعراض مرض الذباب هو ورم في ديس الناقه وعادتا تجده يتنقل في ديس الناقه لـــــــــــــــــــــــــــــــذا عليكم سرعه اعطائها ابره الذباب 2.5 ملغم + مضاد حيوي طويل المفعول + ابره الوريم +لاتنسنى من دعواتك الطيبه |
رد: نبي رايكم يا هل البل (وريم مستديم) يا ذيب من ولدت الناقه الى يومك هذا ما لاحظت عليها ضمور وحالها ينقص وكنها تصعف يوم بعد يوم ؟ والوريم يحدث عندك بليا سبب ؟ هذا ملاحظات خلفه عندي وعمر حوارها ازودمن الشهرين والخلفه تمشي وتنضف ونغسلها بالماء البارد والبنسلين والمره لكن في لحظه يارم الديد . عطيتها ابرة الهيام الفرنسيه مع شراب الدود وكررت عليها عقب 21 يوم وابشرك في زود الحمد لله . |
رد: نبي رايكم يا هل البل (وريم مستديم) ياذيبان إذا سويت كل اللي علمك الربع ومافاد فيها باقي شي واحد تسويه طال عمرك لأنه قد صار في خلفتي مثل اللي صار في خلفتك وسويت تقريبا كل شي ولا هنا علاج ماجبته ويوم ملليت ويأست اشتريت لي قارورة ماء صحة وأخذت أقرأ عليها من آيات القرآن وأنفخ فيها ثم رشيت على ديدها في كل يوم لمدة اسبوع قبل صلاة المغرب وبعد صلاة الفجر مع العلم إني كنت موقف العلاجات إلا إبرة الوريم فقط والحمدلله بريت كن مافيها شي وصار اللي فيها عين من بعض الناس بزين ديدها وحلو حليبها وبعض الناس مايجيك منه خير |
| الساعة الآن 25 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |