|
ياهل المنايح اقلطوا مرحبا يا هل المنايح أرحبوا اصطبحوا واغتبقوا ثم جابوا على اسئلتي 1- وش معني صفن الناقة ؟ 2- متى نقول خلفة ومتى نقول عشرا؟ 3- متى اشمل الناقة ؟ من الساعه 7 ؟ او قبل الظهر ؟ 4- اذا جيت تفك الشمالة هل تقول : ابهل او بهل ؟ 5- في اثناء الحلب هل ادوس بجميع الاصابع او اترك الاصبع الصغير ؟ 6- هل فيه فرق بين حلب الناقة والمعزى > لاتنقدون < ؟ الظاهر اني ثقلت عليكم وانتوا شباعى من الحليب |
رد: ياهل المنايح اقلطوا يا مرحباااا يابن لاحم ام با النسبه لاسئلتك 1 ـ صفن الناقه على ما اعتقد هو خلفها 2ـ اذا كمل ولدها 10 شهو يقولون عشراء 3 ـ يختلفون الناس على بعض حدن من الساعه سبع بس انا با النسبه لي من الساعه 8 وانا مشملها 4 ـ اذا كانت شمالت الناقه فاتحه ذي يقال لها (بهل) اما اذا بغيت تفتحها يقال لها ( ابهل ) يعني افتح شمالتها 5 ـ على حسب كبر يدك وصـغرها وما تظغط با الخمس كلها اربعه وما هو بقوه 6 ــ ما فـيه فرقو حول بعض بس النفووس تختلف العنز ما عليك منها اما الناقه اذا شافتك ما انت حلاب رمحتك لك انت وطاستك مع السماء:mwalat18: |
رد: ياهل المنايح اقلطوا البقاء يالغالي الله يبارك في أمهاتة - وش معني صفن الناقة ؟ الديد كله يطلق علية صفن 2- متى نقول خلفة ومتى نقول عشرا؟ أول أنتاجها يقالها مصغر وأذا جدل ولدها خلفة وبعد ستة شهور عشرا 3- متى اشمل الناقة ؟ من الساعه 7 ؟ او قبل الظهر ؟ على حسب الحوار أذا كان صغير شمل الصبح وأبهل قبل الظهر وشمل لين المغرب 4- اذا جيت تفك الشمالة هل تقول : ابهل او بهل ؟ أبهل واللي ماعليها شمالة يقالها هجل 5- في اثناء الحلب هل ادوس بجميع الاصابع او اترك الاصبع الصغير ؟ على حسب ديد الناقة لكن بداية الحلب أركد وتكلم للناقة أندبها بأسمها 6- هل فيه فرق بين حلب الناقة والمعزى > لاتنقدون < ؟ العنز بأصبعين والأبهام وسحب الديد لتحت أما الناقة تصايد لنفسها وتكلم ويدك ثابتة الظاهر اني ثقلت عليكم وانتوا شباعى من الحليب كثر الله خيرك وأتمنى أني أفدتك |
رد: ياهل المنايح اقلطوا ما قصرتوا يا السلاطين كفيتوا ووفيتوا |
رد: ياهل المنايح اقلطوا طرح جميل ولاهو عيب وانا لقيت الفايده من هالاسئله وانا راعي ابل من 14 سنه |
رد: ياهل المنايح اقلطوا السلام عليكم اعتقد اجوبت اخوي سلطان الروقي وافيه على جميع الاسئله واتمنى للجميع الفائده من هذي الاسئله المفيده |
رد: ياهل المنايح اقلطوا منكم نستفيد بيض الله وجيهكم واللي عنده اضافه لايبخل علينا |
| الساعة الآن 07 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |