|
الزين الى متى سؤال يطرح نفسه في أي سن يتوقف الزين عند القعود أو البكره .. بمعنى جاب اللي وراه من الزين أو الشين توضيح / (بمثال) عندي قعود يوم أنه مفرود عادي يوم جاء لقي تغير 80 درجه لزين أو العكس الرجاء المشاركه من الجميع اللذين مرت عليهم مثل هل مواضيه |
رد: الزين الى متى الله يحييك يابن حريص اتمنى تكون على احسن حال وجعل ربي يمنحك خير ذالقعود نعم اخوي خالد الى وصل او وصلت ذالسن( لقي/لقيه) ماعاد لها عذر اذا مالحقها قصور من راعيها عندنا بكار هالحين من افضل ابلنا مازانت الا عقب ماصارت لقايا .... تحياتي لك |
رد: الزين الى متى مرحبا بك الزين يقف على لقي ويزين على شوي شوي وياقف لشق نابه وسلامتك اقولها من تجربه |
رد: الزين الى متى لا شــق ناب المطــيه اكتمل زيــنه |
رد: الزين الى متى البكره لا فهقت الحقاق ودخلت اللقا صارت مثل البنت المزيونه كل يوم تجيك بشكل اما توقف النمو فالوجه والراس والرقبه والطول فهو عندما يشق نابها ويبدا بعدها الزين في شق الناقه وسدوها وحالها وذلك حسب معرفتي ومشاهدتي |
رد: الزين الى متى انا عندي بكار وهي صغار ماودك تشوفها ولاصارت لقيـه شف الزين و ماودك تعداها هذا حسب تجربتي |
رد: الزين الى متى هلابك يابن حريص فيه مقوله يرددها البدوو بخصوص الأنتاج انتاج الفحل ،،، زين المفرود من الحليب وزين الحق نبت الشعيب وزين اللقي طيب النجيب معناها إذا جاء لقي جابه العمق وساسه ويتظهر إلى سديس ويوقف زينه في سن السديس ،،، ((( منقول من روس شيابنا ))) |
رد: الزين الى متى جاك بالعلم حمود النفراني .. وبقية الاخوان ماقروا .. .... وساس المطيه هو العلامه الفارقه بهالخصوص ... |
رد: الزين الى متى اقتباس:
ماهــوب كل البل ســوى بــعضها ما يضهر زيــنها الا اذا راحة ثناي |
رد: الزين الى متى عندي نياق شريتها لقايا وجذعات وسط وزانت في الثنيه والرباع وعندي ناقه زينها من يوم هي مفروده الى الان ثنيه متقارب ويوم هي حواره ماهي زينه وعندي قعود زينه يزود من يوم هو حوار الى الان رباع اذا الامر سر من جهة الفحول بعض الفحول بنته كل مالها في طلوع وبعضها بنته رقاقه وزينه يوم هي صغيره ولا كبرت وقفت اصول واسرار تقبل تحياتي |
رد: الزين الى متى شكرا لكل من تفاعل في هذا الموضوع نعم .. لخدمة الموروث نعم .. للأسئله الهادفة نعم .. لتبادل الخبرات شكرا .. لهذا الصرح العظيم |
رد: الزين الى متى هذا التساؤل كنت اود طرحه من فتره وبعد مروري على الموضوع وجدت الاجابه الشافيه والكافيه شكر لك من ساهم في الموضوع ويستحق الخمس نجوم |
رد: الزين الى متى الاخ خالد الحريص الزين يختلف من ناقه الي ناقه يعني بعض البكار ما تزين لين تجي لقيه وبعضها لين تجي جذعه وبعضها لين تجي ثنيه ولكن كل الاعمار يتوقف زينها ونمو عظمها اذا شق نابها هذا اللي نعرفه واللي شاهدناه على الطبيعه وشكرا على الموضوع الجيد |
رد: الزين الى متى بيض الله وجيهكم ماقصرتو |
رد: الزين الى متى اشكر الأخ خالد على الموضوع الطيب اماااا بخصوص الزين انا اتفق مع كل الأخوان اما بخصوص الزين نقل من كلام الشياب مايوقف زين البكره لمين تبرك لأبوهاا ومايضهر انتاج البعير الى ماتبركله بنته |
| الساعة الآن 35 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |