|
وش الحل في هالناقة؟؟؟؟ يالربع مساكم الله بالخير وش الحل في الخلفة النحوس اليا قربت منها تحلبها ابركت ؟ وش العمل معها حتى تتعود وتطيع اللي مر بهالوضع وفادت طريقته فلايبخل علينا ؟؟؟ وتحياتي لكم |
اخوي خالد سمعت عن طريقة جربها واحد من الربع امكن تفيدك وهي كالتالي ( رسن الناقة واربط رسنها بالشبك او بعمود يعني خلها واقفه لا تبرك وكل فترة امسح ديدها ) ان شاء الله تنفعك |
الحل عندي كيف الحال عساك طيب ان شاء الله كان عندي ناقة نفس الطريقة وجبت برميلين وخشبة مربوع واذا جيت احلب احط الخشبة على بركتها وكل ما جات تبرك تردها الخشبة وبقيت واقفة وطبعتها وهي مخطومة واليوم احلبها وهي بدون خطام وبدون قيد بس طبعها واذا جيت تحلب عطها خبز ويروح شرها والله يهديها |
دور لك من السوق شبك ابو عقيده ( السلك اللي يسوون منه الشبوك حق المزارع) ولف منه على قد الكوره واذا جات تبرك نزلها تحت زورها واول ماتلمسه تقوم على طول وكرر العمليه معها لين ما تهون منها انا سويتها في ناقه عندي ومن اول مره خلت البراك طول اليوم وبكره رجعت ونفس الشي سويتها معها وعقب هونت مره وحده الى يومك وان شاء الله تنفع الطريقه ذي مع ناقتك |
الأخوان علي العطوي وفارس الدهمي وراشد العرق مشكور وماقصرتم وبيض الله وجيهكم على كل حال |
مع الاخوان |
اقتباس:
. جرب هالطريقه ووإن شاء الله تفيدك |
صباح الخير أنا ولدت عندي ناقه كنت احسبها اهدا البل هي ولكن صار العكس مامرت علي ناقه مثلها ماتخلي الوحد يقربها المهم قمت عليها وعقلت رجليها وصارت لابغينا نحلبها بركت واقوم وارسنها وكل يوم اربط الرسن بالشبك واحلبها لين طاح اللي براسها والحين اللهم لك الحمد تحالب بدون عقال وبدون رسن ولا فيه اهدا منها وسلامتك. اما انك تحط تحتها سيم شايك حرام هذي بهيمه فيها اجر وفيها اثم سو اللي قلتلك وبتشوف |
طرق متتعددة ذكروها الاخوان نتمنى ان تتطبق احدى الطرق ونتمنى لك التوفيق |
الطريقة مجربه 100% باذن الله جبلك خشبه مربوعه طولها متر ونص ولف عليها السيم الشايك واربطها من اطرافها بحبل وليا جيت تحلب افتح واحد من الاطراف وحط الحبل على غارب الناقه بحيث تكون الخشبه على الزور من تحت واربط الطرف الثاني وخلها معلقه على الناقه واحلب ولياجت تبرك بتبرك على الشايك وبتدك على طول مرتين وان شاء الله تلقى خير وديربالك من العقال اذا الناقه مهب هديه ترى هو اللي يخليها تبرك وتطيح بالطبع هذا |
مرحبابك اخوي والربع ماقصرو وانا من تجربتي حط لها علف وانت تحلبها واحجز ريولها وبتطابع مع الوقت |
| الساعة الآن 03 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |