أبي رأيكم بارك الله فيكم
 

عندي بكار مزاين مفاريد وابغى رايكم من ناحية الترتيب والعلف المناسب والغسيل وهل يناسبها الشبك ولا تسرح مع البل , ويش الغذا المفيد للون .
ابي رايكم مشكورين.

رد: أبي رأيكم بارك الله فيكم
 

الشبك مرض لابل من كل النواحي الوقت الحالي تفطر على ذره وتسرح البل واذا روحت الضهر تقيل على التبن كرم الله وجهك وبعدهاالساعه الرابعه تسرح البل والساعه السادسه ونصف مسا شعير وبعده مباشره برسيم هذي طريقتنا في أبلنا بارك الله لك فيما اعطاك

رد: أبي رأيكم بارك الله فيكم
 

مرحبا يابو محمد وسع الشبك وحط المظله والبرسيم لايفضى من المطعم وعليك بالمجروش او المهروس ولاتكثر الوافي ونشوفها انشاء الله في المزاينات .

رد: أبي رأيكم بارك الله فيكم
 

اولا الله يبارك لك فيهن

ثانيا : لابد من ممشى الابل توسع خطرها
واذا انت بتسمن لا تسرح البكار لفتره طويله من اليوم فترت العصر اشوف انها كافيه

بالنسبه للعلف البرسيم خله عندها بشكل متناسق لا تكثره عليهن و لاتقلله و عليك بالتبن"(في وجه العدو) ابو حب بر

حطه مع البرسيم و سطل شعير الصباح و سطل خبز (على حسب عددهن) .. و عصير لا ضون كذالك وشف النتيجه خلال اسبوعين ..

و تحياتي لك والله يبارك لك فيها

رد: أبي رأيكم بارك الله فيكم
 

البكار زيّن لها الشبـك .. وحط لك مقيال أو مظله عن الشمس ..
واشبعها شعير ولا تكثره ( شبعه ) .. والبرسيم نقعه ولاتخليه يغلق من معالفها .. ولاتنسى الفيتامينات مع الطعام أو مع الماء ..
ولاتفكها مع البل ألاّ بعد الظهر تطلق نظرها .. ويزين ممشاها .. ولاجاء وقت عشاء البل تردها لشبكها .. وتزيد طعامها .. وخلها تسمر عليه ..
وخل هذا روتينها تشبكها فالمغرب .. وتفكها بعد الظهر ( الساعه 3 تقريباً ) ..
...

وسلامتك ............

رد: أبي رأيكم بارك الله فيكم
 

الله يبيض وجيهم ويجزاكم خير الجزاء وشرفني مروركم الله يبارك لكم في حلالكم واولادكم .
وباذن ان تشوفونها في المزاينات الكبيرة .
لكم مني كل الأحترام والتقدير.
وشكرا.
اخوكم/ سعود بن محمد بن زجال