|
نبي رايكم بالي حاصل ؟ أخواني السلام عليكم ورحمة الله وبركاته ،، كلنا مستائين من بيع الاجانب في الاسواق وكل مواطن سعودي كان يطالب ووصلت للقنوات الفضائية وإلى كل أمارة مطالبين بوقف ها الاجانب من البيع بلا رقابة ، من الاشياء التي حصلت لي ( أتصلت على رقم صاحب بعير معروض في المنتدى ، طلع لي سوداني الجنسية !! ) انا مابي أقطع ارزاقهم ولكن المنتدى المفروض يكون بيننا ولا نجعل البيع والشراء يتدخلون فيه الاجانب في المنتدى ، هذا من وجهة نظري وانتم كلكم تعرفون الاسباب ، حبيت آخذ رآيكم بها الموضوع وهل من الافضل وضع حد لهذا الموضوع أم يعتبر أمر عادي من وجهة نظركم ؟؟؟ |
رد: نبي رايكم بالي حاصل ؟ وين الاشكاليه يابدر أنا أشوف ان البيع والمشترى ماهو مرتبط بجنسيات والمنتدى فاتح ابوابه للجميع |
رد: نبي رايكم بالي حاصل ؟ اقتباس:
مجرد رأي نحن بلد نظام وشرع الشرع يسمح بمزاولة البيع والشراء مالم يمنعه القائم بامر المسلمين بوضع التنظيمات اللازمه النظام يمنع مزاولة البيع للاجنبي مالم تكن تاشيرته خاصه بمزاولة التجاره هرم النظام الحاكم وهو من قام بالمنع ففي اعتقادي ان ولي امرنا عندما منعهم من البيع والشراء في الاسواق التقليديه فالواجب علينا مساندة الامر وتطبيقه لدينا في الاسواق على الشبكه العنكبوتيه |
رد: نبي رايكم بالي حاصل ؟ اتفق معاك من ناحية الغش فاحش بينهم وايضا بعضهم يتحكم بسعار الاعلاف |
رد: نبي رايكم بالي حاصل ؟ اقتباس:
يا أبوفالح يا حي ها الموضوع الي خلاني أشوف أسمك في متصفحي وأرتقى فوق طال عمرك ،، يا أبوفـآلح انا لاحظت أن فيه سلع تعرض من قبل بعض الاعضاء وهي ليست ملك لهم بل هم مجرد وسيلة مساعدة لها الاجانب في البيع والشراء في المنتدى ، أتمنى وضع حد ودراسة الموضوع قبل المنع هل لابد من منعهم وإعطاء أنذار لمن يعرضون سلع العماله الوافده ، شكراً لكَ. |
رد: نبي رايكم بالي حاصل ؟ اقتباس:
أرحب مليار يا فلاح ، يا مرحبا ومسهلاا ، وكلامك صحيح بعد ، وليه ما تكون بعض السلع المعروضه في المنتدى تكون مسروقه ؟؟ ويتم عرضها عن طريق منتدى والابتعاد عن الاسواق ؟ يمكن يكون المنتدى طريقة سهله لعرض السلع المسروقه وأخواننا الاعضاء على حسن نية يعرضونهاا ؟؟ هذي أيضاً وجهة نظر وأسئل الله أن يحفظ حلالنا وحلال المسلميـن يارب |
رد: نبي رايكم بالي حاصل ؟ اقتباس:
أنا أشوف ان اللي كتبته تفوق على حجم الموضوع ووجهت نظر تحترم اخوي خالد وياليت تكون بالتعليمات لكي لايسمح البيع او التسجيل الا للهويه السعوديه والغش موجود في كل الاسواق وانت تعلم مااقصد اخوي خالد فالغش ليس مقصور لجنسيه معينه بنسبه لمنع العماله السودانيه من مزاولة البيع في سوق الجنادريه تحديدا كانت بشكوى من البعض بحجة انهم ضيقو علينا بالمشترى طبعا والصحيح انهم يدخلون بالمزاد اللي يضايق الشاري ويفيد البائع وبطبيعة الحال خروجهم من السوق اضعف البيع بشكل ملاحظ عكس سوق الاحساء بالمنطقه الشرقيه بالنهايه اتمنى ان يكون منتدانا له أصداء في جميع الدول المجاوره والغير مجاوره واستبعاد اي تعنصر غير مبرر |
رد: نبي رايكم بالي حاصل ؟ اقتباس:
تعليق بسيط انا فعلاً مع هالموضوع 100% بس الدوله مانعه ان اي مواطن يشغل عامل متخلف واتوقع ان اغلبنا ان لم يكن كلنا مشغلينهم وانا اولهم!!!!!!!!!!!!!. اذا بتطبقون نظام الدوله طبقوه كامل بالتوفيق للجميع |
رد: نبي رايكم بالي حاصل ؟ اقتباس:
اولا لا اختزل المنع للجنسيه السودانيه فقط بل كل العماله في كل الاسواق ثانيا بما انك اقتبست ردي كان علي لزامن ان ارد سؤال / مالذي دفعك لتشغيل من ليس على كفالتك ؟ ستجيب باحد امرين : 1- اما ان وزارة العمل لم تعطيك فيزه ولن اناقش هذا السبب لبعده عن اصل ما نناقشه من موضوع 2- او ان العامل هرب وهذا بلا ابوك يا عقاب مثل ما قالو ما سبب هروب العامل ؟ وانت تعطيه راتبه واكله وسكنه وشربه !!!!! وما سبب عدم رغبته العمل عند الكفيل والعمل عند غيره ؟ الاجابه هي بورصة رواتب العماله والعمل الحر الشراء والبيع حتى لا يكاد عاملك يصل وتخرج له الاقامه حتى يخربه عامل قصيرك المتخلف وينحشه ويشغله في بلد ثاني وهكذا اذا عرف السبب بطل العجب انت مغلوب على امرك ولا ودك تحط في حلالك من لا تعرفه ولا تعرف اخلاقه وتضمن عدم ايذائه لها او الاضرار بها |
رد: نبي رايكم بالي حاصل ؟ http://www.mzayan.com/vb/showthread.php?t=34225 هذا الرابط عمل فيه تصويت يخص الموضوع واشبع النقاش حوله واعتقد ان فيه من النقاط التي تحيط بالموضوع برمته اشكر اخوي بدر ومن شارك في الموضوع والراي ملك للجميع لا يحق لاحد مصادرته ولكن يحق لك مناقشته |
رد: نبي رايكم بالي حاصل ؟ انا عني الموضوع بسيط لاني عارض لهم لكن اشتري منهم ان ان انحديت والشغله بيع ومشترا ما هي سرقه وهم ما خالفوا الشرع علشان انكم تكبرون الموضوع مثلهم مثل راعي العلف وراعي البقاله . يا فيه سعودين الله يستر عليهم ويرزقنا بالحلال لا يحللون ولا يحرمون البنقاليه ابرك منهم. الزبده الرجال لا تفرط فيه ان كان انه طيب وكلمته وحده وصادق ولا يلف ويدور حتى لوه اجنبي ولا هو شرط انك تشتري منه وان كان انه فيه لفه ومنا ومناك وصدقه شوي خله يولي لوه سعودي |
رد: نبي رايكم بالي حاصل ؟ لو ابوك كذاب وحرامي وحاشاه طيبه ورداه عليه سعودي ولا بنقالي وإنّا نشري من السوداني ما نقول لا احد يشري منهم انا اشري منهم وابيع لهم ولكن موضوعنا العرض لهم في مزاين يعني يحاربون من البلديه في الاسواق التقليديه ويجدون من يفتح لهم وييسر ويساندهم ويعرض لهم لهم في المنتديات الالكترونيه وياليت بفايده وسعي تلقاها فزعه ولو بغى من السوداني فزعه يعقل ناقه عنده وهو جنبه تعذره |
رد: نبي رايكم بالي حاصل ؟ و الله يا جماعه الخير تبون عاد الصراحه سوق الابل اللي بالجنادريه مو محركه الا السودانيين يشترون العرجا والمنكسره و الوجعانه و الزينه و الموجهه محركين السوق بالله بانشدك السعودي سمح مثل السوداني السعودي يشري الناقه بعشره يبي فيها مكسب خمس الاف الفين ثلاث والسوداني يرضيه لو خمسين ريال السعودي بيشتري العرجا والمنكسره والوجعانه ولا العايب من المستحيل تعال شف سوق الابل الحين عقب ما منعو السودانيين من البيع فالسوق راكد جدا جدا من ناحيه البيع والمشترى في خمول ما هو لصالحنا حنا يالشريطيه او القنايه ... ومحتكرينه التجار السعوديين تلقى الناقه قيمتها تفاوت ما بين 15 الف او 12 الف يقولك سيمت بـ 22 الف تطفيف بين جدا جدا وبصراحه دخول الاجنبي معنا في سوق الابل من الجنسيه السودانيه مكسب لنا نبيع ونشري سوا والله اننا نلقى مكسب فالناقه اني لو ابيعها على احد السعوديين ما جابت هالربح اقول كلامي هذا ويعلم الله ان لالي عماله سودانيين على كفاله و لا لي فيهم خص بس من واقع اشوفه بعيني |
رد: نبي رايكم بالي حاصل ؟ اقتباس:
كلااااااااااااااام 100% ارفع لك القبعه |
رد: نبي رايكم بالي حاصل ؟ أبوفالح أنت الي فهمتني ولا نقصان في أخواننا الباقيـن ، انا موضوعي { ليه نعطيهم فرصة البيع والشراء في المنتدى ؟ }!؟ وأخوي عواض النفيعي / كلامك على العين والراس ، الي انت ذكرتهم ترى قلـة وربي والي انت ذكرتهم يمكن هذا الي ربي وفقكم فيهم ، |
| الساعة الآن 21 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |