|
افيدوني عندي ناقة خلفه بطنها منتفخ عطيتها سفن مانفع عطيتها بيره وبعد مافاد والحين ماعاد تأكل وناس نصحوني ان اعطيها ملح اللي عند البيطري افيدوني الله يجزاكم الف خير |
رد: افيدوني اول شي خذ لك خبز وغمسه في زيت زيتون لين يتشرب الزيت وعطها اياه/ وعقبها رح للبيطري وقله عطني فيتامينات بودره لعسر الهضم هم يعرفونها الدكاتره/ اعطها البودره بالماء وغرها اياه |
رد: افيدوني لازم توضح الورم الي في بطنها والنفاخ من اكل يعني باشم هذي بسيطه غرشت كافي تصبها في حلقها وتصبر خمس دقايق ثم تغرها بغرشت بيبسي وحده بوحده وان كان انه ورم ثاني الله لا يهينك الدكتور ما عنه خصوصا انها خلفه يمكن الحاشي يموت لا قدر الله |
رد: افيدوني اول حالتها بطنها منتفخ ولاتستطيع اكرمكم الله تدمن وبولها مايطلع بعد عطيتها السفن والبيره بالت الناقه بول بسيط ودمنها ايضا بسيط وحالها ينقص مدري هي باشم والا مرض واليوم ابروح يمها لان محل الابل بعيد وباجرب وصفة اخوي ناصر المنصوري |
رد: افيدوني الاخ ناصر الناقه عطيتها خبزه بعد غمسها في زيت زيتون كما قلت وبعد دقائق مشي الناقة مااعجبني بدت تخطرف رجلينها كنها ماتشيلها تحاول تسترجع وبعد ساعتين عطيتها البودره وخليتها |
رد: افيدوني اصبر عليها 24 ساعة وشف اذا بطنها مامشى وغدى دمنها طبيعي وانفتحت شهيتها وصارت تاكل فعليك بالدكتور وشف انكان دمنها صغير ويابس وراسه مثل الشوك واذا بركت بركت على طرف فيمكن فيها الشوكة وهي لها وسم واالخوان بيفدونك اكثر مني |
رد: افيدوني اذا هي باشم جفل الناقه اطردها 700 متر خلها تدرهم و بتشوف النتيجه |
رد: افيدوني عواض النفيعي عزالله شفت النتيجة الناقة جفلتها وطردتها مثل ماقلت يوم وقفت وهي تبرك وتلف رقبتها وتسلم الروح الله يعوضنا من عنده |
رد: افيدوني الله يعوضك خير ياسعود وابشر بالعوض وسلامة راسك هي راس المال |
رد: افيدوني الله يجزاك خير ياالتميمي والله يبيض وجهك والعوض ماأرجيه الامن الله |
رد: افيدوني ان لله وان اليه لراجعون اما عن الطريقه هذي معروفه عند اهل الابل عامه الناقه الباشم يهججونها وتزين باذن الله .. واذا شاك بمصداقيه كلامي انشد اهل الابل وبتجد طريقتي سليمه ميه بالميه الله يعوضك و يخلف عليك ويرزقك برعيه يابن العم و الناقه اكيد انها باشم ولها مده طويله اكثر من يومين وقدر الله وماشاء فعل وفاديه لهلها |
رد: افيدوني الناقة فاتت عسى الله يعضوك بالبركة ولكن لتعم الفائدة للجميع علاج الباشم ابرة البيكوهيبار وسبق وذكرت ذلك في موضوع سابق وشخصياً جربته وجاب نتيجه |
رد: افيدوني الله يعوضك ويخلف عليك |
رد: افيدوني الله يجزى من شارك خير وانت ياعواض النفيعي لواني شاك في مصداقية كلامك مااخذت كلامك وسويته والحمدلله الله اللي يعطي والله اللي يأخذ وانشاء الله انها مفاديه دون اهلها شكرا لتفاعلكم والسلام عليكم |
رد: افيدوني اول شئ جعلها تفدى راسك وانا اخوك والابل من طيبها تفدى اهلها ثاني شئ وانا اخوك اللي فات فات مايرده نصايح وعساها خير لك انشالله لكن انا والله اعلم اتوقع انها متسممه لان قد صار عندي الشئ هذا فناقتين وحده لحقت عليها والثانيه راحت ذكرت هالشئ لعل الناس تستفيد وراجع حساباتك وش علفك وشنهو ومراحك غيره والا انتبه يمكن فيه (( ولاايش )) اكرمكم الله |
| الساعة الآن 22 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |